പത്തനംതിട്ട : സരസകവി മൂലൂര് എസ്. പദ്മനാഭപ്പണിക്കരുടെ 153-ാംമത് ജയന്തിയും സ്മാരകത്തിന്റെ 33-ാംമത് വാര്ഷികവും നാളെ (27) ഉച്ചകഴിഞ്ഞ് 3.30ന് സാംസ്കാരിക വകുപ്പ് മന്ത്രി സജി ചെറിയാന് ഉദ്ഘാടനം ചെയ്യും. ഇലവുംതിട്ട സരസകവി മൂലൂര് സ്മാരകത്തില് നടക്കുന്ന സമ്മേളനത്തില് ആരോഗ്യവകുപ്പ് മന്ത്രി വീണാ ജോര്ജ് അധ്യക്ഷത വഹിക്കും. ഫെബ്രുവരി 28ന് രാവിലെ 10ന് കുടുംബശ്രീയും വികസനവും എന്ന വിഷയത്തില് നടക്കുന്ന സെമിനാര് കുടുംബശ്രീ നാഷണല് റിസോഴ്സ് ഓര്ഗനൈസേഷന് ചീഫ് ഓപ്പറേറ്റിംഗ് ഓഫീസര് സജിത്ത് സുകുമാരന് നയിക്കും.
നീര്ത്തടാധിഷ്ഠിത വികസനവും കുടുംബശ്രീയും എന്ന വിഷയം ജില്ലാ മണ്ണ് സംരക്ഷണ ഓഫീസര് അരുണ്കുമാര് നയിക്കും. ഉച്ചകഴിഞ്ഞ് 3.30ന് കേരള നവോഥാന സ്മൃതി അഡ്വ.കെ.യു. ജനീഷ് കുമാര് എംഎല്എ ഉദ്ഘാടനം ചെയ്യും. മനോജ് പട്ടാന്നൂര് മുഖ്യപ്രഭാഷണം നടത്തും. മാര്ച്ച് ഒന്നിന് രാവിലെ 10ന് കവിസമ്മേളനം മലയാളം മിഷന് ഡയറക്ടറും കവിയുമായ മുരുകന് കാട്ടാക്കട ഉദ്ഘാടനം ചെയ്യും. 3.30ന് മൂലൂര് അവാര്ഡ് സമര്പ്പണം കൃഷി മന്ത്രി പി. പ്രസാദ് നിര്വഹിക്കും.
