ഡൽഹി : രാജ്യത്ത് ഇന്ധനവില വീണ്ടും വർദ്ധിപ്പിച്ചു. ഡീസലിന് ലിറ്ററിന് 2.71 രൂപയും പെട്രോളിന് 2.61 രൂപയുമാണ് വർദ്ധിപ്പിച്ചത്. രണ്ടാഴ്ചക്കിടെ ഇത് നാലാം തവണയാണ് കേന്ദ്ര സർക്കാർ ഇന്ധനവില വർദ്ധിപ്പിക്കുന്നത്. പുതിയ വർധനവോടെ രാജ്യതലസ്ഥാനമായ ഡൽഹിയിൽ ഒരു ലിറ്റർ പെട്രോളിന്റെ വില 102.12 രൂപയായും ഡീസൽ വില 95.20 രൂപയായും ഉയർന്നു. ഡൽഹിയിൽ ഡീസൽ വില 90 രൂപ കടക്കുന്നത് ചരിത്രത്തിൽ ആദ്യമായാണ്. പശ്ചിമേഷ്യയിലെ സംഘർഷം നീണ്ടുപോകുന്ന സാഹചര്യത്തിൽ ആഗോളതലത്തിൽ ഇന്ധനവില വർദ്ധിക്കുന്നതാണ് പുതിയ തീരുമാനത്തിന് പിന്നിലെ കാരണമായി കേന്ദ്ര സർക്കാർ വ്യക്തമാക്കുന്നത്.
ഏകദേശം 20 രൂപയോളം വർധിപ്പിക്കണം എന്ന് ഇന്ത്യൻ ഓയിൽ കോർപ്പറേഷൻ അടക്കമുള്ള പൊതുമേഖലാ സ്ഥാപനങ്ങൾ കേന്ദ്ര സർക്കാരിൽ സമ്മർദ്ദം ചെലുത്തിയിരുന്നതായും റിപ്പോർട്ടുകളുണ്ട്. അതിനാൽ വരും ദിവസങ്ങളിലും ഘട്ടം ഘട്ടമായുള്ള വർധനവ് ഉണ്ടായേക്കാം എന്നാണ് റിപ്പോർട്ട്.
