റാന്നി: പുനലൂര്-മൂവാറ്റുപുഴ സംസ്ഥാന പാതയില് ഉതിമൂട്ടില് നടന്ന വാഹനാപകടത്തില് ഒരു ജീവനും കൂടി പൊലിഞ്ഞു. കോട്ടാങ്ങല് കുളത്തൂര് മാമ്പറ്റ നൈനാന് എബ്രഹാം(ജയന് മാമ്പറ്റ-42) ആണ് മരിച്ചത്.ഇന്നലെ രാത്രി ഏഴരയോടെ ഉതിമൂട് സഹകരണ ബാങ്കിന് മുന്നിലായിരുന്നു അപകടം. ഇരുചക്രവാഹനത്തില് റാന്നി ഭാഗത്തു നിന്നും പത്തനംതിട്ടയിലേക്കു പോയ ജയനെ എതിരെ അമിത വേഗതയിലെത്തിയ വാഹനം ഇടിക്കുകയായിരുന്നു. പരിക്കേറ്റ ജയനെ റാന്നി താലൂക്കാശുപത്രിയിലെത്തിച്ച് പ്രഥമശുശ്രൂഷ നല്കിയ ശേഷം കോട്ടയം മെഡിക്കല് കോളേജ് ആശുപത്രിയിലേയ്ക്കു മാറ്റിയിരുന്നു.
ചികിത്സയിലിരിക്കെ ഇന്നു ഉച്ചയോടാണ് മരണം സംഭവിച്ചത്.സംസ്ക്കാരം പിന്നീട്.
റോഡ് ഉന്നത നിലവാരത്തിലാക്കിയതിനു ശേഷം ചെറുതും വലുതുമായ 42-ഓളം അപകടങ്ങളാണ് ഉതിമൂട്ടില് നടന്നത്. ഏകദേശം അഞ്ചു മാസത്തിനിടയിലാണ് ഇത്രയും അപകടങ്ങള് ഇവിടെ സംഭവിച്ചത്.ഇന്നു സംഭവിച്ചതു കൂടിയായപ്പോള് നാലോളം മരണങ്ങളും സംഭവിച്ചു.ഇത്രയും സംഭവങ്ങള് ഉണ്ടായിട്ടും ഇവിടെ സുരാക്ഷാ ക്രമീകരണങ്ങള് ഒരുക്കുന്നതില് അധികൃതര് മടി കാണിക്കുന്നതായി നാട്ടുകാര് പരാതിപ്പെടുന്നു.
