പത്തനംതിട്ട : ശാസ്ത്ര വേദി പത്തനംതിട്ട ജില്ലാ കമ്മറ്റിയുടെ നേതൃത്വത്തില് പത്തനംതിട്ട സെന്റ് മേരീസ് ഹൈസ്കൂളിൽ സംഘടിപ്പിച്ച ലഹരി വിരുദ്ധ വാരാചരണം എ.ഡി.എം രാജ ലക്ഷ്മി ആർ. ഉത്ഘാടനം ചെയ്തു. ലഹരി വിരുദ്ധ പ്രവർത്തനങ്ങളിൽ വിദ്യാർത്ഥികളും യുവതലമുറയും ഒത്തൊരുമിച്ച് പ്രവർത്തിച്ച് സമൂഹത്തിന് മാതൃകയായി രാജ്യത്തിന്റെ ഉത്തമ പൗരൻന്മാരായി വളർന്ന് വരണമെന്ന് എ.ഡി.എം പറഞ്ഞു. ലഹരിക്കെതിരെയുള്ള സർക്കാർ പദ്ധതിയായ ഓപ്പറേഷൻ തുഫാന് യോഗം ഐക്യദാർഡ്യം പ്രഖ്യാപിച്ചു. ശാസ്ത്രവേദി ജില്ലാ പ്രസിഡന്റ് സജി കെ. സൈമൺ അദ്ധ്യക്ഷത വഹിച്ചു.
സ്കൂൾ പ്രഥമ അദ്ധ്യാപകൻ സജു ഫിലിപ്പ് മുഖ്യപ്രഭാഷണം നടത്തി. ജില്ലാ ജനറൽ സെക്രട്ടറി വർഗ്ഗീസ് പൂവൻപാറ, സംസ്ഥാന സമിതി അംഗം അങ്ങാടിക്കൽ വിജയകുമാർ, പ്രോഗ്രാം കോഡിനേറ്റർ മനോജ് ഡേവിഡ് കോശി, ബിനു കെ. സാം, സ്റ്റാഫ് സെക്രട്ടറി എലിസബത്ത് കെ. സ്ളീബ, മാസ്റ്റർ മുഹമ്മദ് ഇർഫാൻ എഫ്. എന്നിവർ പ്രസംഗിച്ചു. ആരോഗ്യ പ്രവർത്തക സുലു അരവിന്ദ് ബോധവൽക്കരണ ക്ലാസിന് നേതൃത്വം നൽകി. വൈഷ്ണവി ജി.എസ്. ലഹരി വിരുദ്ധ പ്രതിജ്ഞ ചൊല്ലിക്കൊടുത്തു.
