ന്യൂഡല്ഹി : ഇറാനിലെ ഹിജാബ് വിഷയം ലോകശ്രദ്ധയാകർഷിക്കുകയാണ്. ഹിജാബിനെതിരെ ഇറാനിലെ വിവിധ സ്ഥലങ്ങളിൽ പ്രതിഷേധം നടക്കുകയാണ്. ലോകമെമ്പാടുമുള്ള സ്ത്രീകൾ ഇറാനിയൻ സ്ത്രീകൾക്ക് പിന്തുണയുമായി രംഗത്തെത്തിയിരിക്കുന്നു. ഇപ്പോഴിതാ ഇറാനിലെ ഹിജാബിനെതിരെയുള്ള പ്രതിഷേധത്തിൻ്റെ തീപ്പൊരികൾ ഇന്ത്യയിലും എത്തിയിരിക്കുന്നു.
ഡൽഹിയോട് ചേർന്നു കിടക്കുന്ന യുപിയിലെ നോയിഡയിൽ നിന്നുള്ള ഒരു സ്ത്രീയാണ് സ്വന്തം മുടി മുറിച്ച് ഇറാനിയൻ സ്ത്രീകളുടെ മുടി മുറിക്കൽ പ്രതിഷേധത്തെ പിന്തുണച്ച് രംഗത്തെത്തിയത്. നോയിഡയിലെ സെക്ടർ-15 എയിൽ താമസിക്കുന്ന ഡോ. അനുപമ ഭരദ്വാജാണ് തൻ്റെ സ്വന്തം മുടി മുറിക്കുന്ന വീഡിയോ സോഷ്യൽ മീഡിയയിൽ പങ്കുവെച്ചത്. ഇറാനിയൻ സ്ത്രീകൾക്ക് പിന്തുണയുമായാണ് ഡോ.അനുപമ ഈ നടപടി സ്വീകരിച്ചിരിക്കുന്നത്.
