ആര്‍പ്പൂക്കര : തകര്‍ന്ന റോഡുകളുടെ ശോചന്യാവസ്ഥ പരിഹരിക്കണമെന്ന് ആവശ്യപ്പെട്ട് ബി ജെ പി പഞ്ചായത്ത് കമ്മിറ്റി പ്രക്ഷോഭത്തിലേക്ക്. പഞ്ചായത്തിലെ പ്രധാന റോഡുകള്‍ എല്ലാം തകര്‍ന്നിരിക്കുകയാണ്. പ്രധാനമായി വില്ലുന്നി ചൂരക്കാവ് റോഡ് അങ്ങാടി കസ്തുര്‍ബ്ബാ റോഡ്, കസ്തുര്‍ബ്ബാ ആറാട്ട് കടവ് റോഡ്, തൊണ്ണംകുഴി നേരെ കടവ് റോഡ് ഈ റോഡിലൂടെയുള്ള യാത്ര ദുഷ്കരമാണ്. പഞ്ചായത്ത് റോഡുകള്‍ ഇത്രയും തകര്‍ന്നിട്ട് പല മെമ്പര്‍മാരും പ്രതികരിക്കാത്തത് നാട്ടുകാരെ ചൊടിപ്പിച്ചിരിക്കുകയാണ്.
ബി ജെ പി പഞ്ചായത്ത് പ്രസിഡന്റ് സതീശന്‍ പനത്തറ അധ്യക്ഷത വഹിച്ച യോഗത്തില്‍ മണ്ഡലം ജനറല്‍ സെകട്ടറിമാരായ വിനോദ് കുമാര്‍ അഡ്വക്കറ്റ് ജോഷി പഞ്ചായത്ത് ജനറല്‍ സെക്രട്ടറി ജോതികുമാര്‍ ന്യൂനപക്ഷ മോര്‍ച്ച ജില്ലാ വൈസ് പ്രസിഡന്റ് ചാര്‍ളി തോമസ് ഒ ബി സി മോര്‍ച്ച മണ്ഡലം പ്രസിഡന്റ് സാബു മണ്ഡലം സെക്രട്ടറി രേണു മധു പഞ്ചായത്ത് വൈസ്പ്രസിഡന്റ് വിനീഷ് പാറയില്‍ എന്നിവര്‍ പ്രസംഗിച്ചു.
