ചെങ്ങന്നൂർ : തിരുവനന്തപുരം ആറ്റിങ്ങൽ ആലങ്കോട് ഇസ്ലാം ജംഗ്ഷനിൽ കെറെയിൽ ജീവനക്കാർ പോലീസുമായി വന്ന് കല്ലിടാൻ ശ്രമിച്ചതിനെ തുടർന്ന് സമരപ്രവർത്തകരും നേതാക്കളും ചേർന്ന് തടഞ്ഞതിന്റെ പേരിൽ വനിതാ പോലീസിന്റെ അസാന്നിദ്ധ്യത്തിൽ പോലീസ് വനിതാ പ്രവർത്തകരെ അടക്കം ക്രൂരമായി മർദ്ദിച്ച് ശേഷം അറസ്റ്റുചെയ്തു മാറ്റിയതിൽ പ്രതിഷേധിച്ച് സംസ്ഥാന വ്യാപകമായി നടന്ന പ്രതിഷേധ പരിപാടികളുടെ ഭാഗമായി താലൂക്കിൽ വിവിധ പ്രദേശങ്ങളിൽ പ്രതിഷേധ യോഗവും പന്തം കൊളുത്തി പ്രകടനവും നടന്നു.
പുന്തല : സുരേഷ് കുമാറിന്റെ അദ്ധ്യക്ഷതയിൽ നടന്ന പ്രതിഷേധ യോഗം ജില്ലാ വൈസ് പ്രസിഡന്റ് എൻ.ആർ ശ്രീധരൻ പിള്ള ഉദ്ഘാടനം ചെയ്തു. യൂണിറ്റ് കൺവീനർ രാജേന്ദ്രൻ, സിന്ധു അജയൻ തുടങ്ങിയവർ പ്രസംഗിച്ചു.
അറന്തക്കാട് : സമരസമിതി യൂണിറ്റ് പ്രസിഡന്റ് പി.വി.ഗോപിനാഥൻ അദ്ധ്യക്ഷത വഹിച്ച പ്രതിഷേധ യോഗം കോൺഗ്രസ് ബ്ലോക്ക് സെക്രട്ടറി ശ്രീരാജ് കൊഴുവല്ലൂർ ഉദ്ഘാടനം ചെയ്തു.സമരസമിതി ജില്ലാ കൺവീനർ മധു ചെങ്ങന്നൂർ, സിന്ധു ജേയിംസ്,വി.സജി, കുട്ടൻ പിള്ള എന്നിവർ പ്രസംഗിച്ചു.
പിരളശ്ശേരി : പിരളശ്ശേരി യൂണിറ്റ് പ്രസിഡന്റ് ഫിലിപ്പ് വർഗീസ് അധ്യക്ഷത വഹിച്ച യോഗം സമര സമിതി ജില്ലാ കൺവീനർ മധു ചെങ്ങന്നൂർ ഉദ്ഘാടനം ചെയ്തു.ഏബ്രഹാം ഫിലിപ്പോസ്, വി. എം.രാജൻ,കെ.എം.വർഗീസ്, ശ്രീദേവി സജീവ് എന്നിവർ പ്രസംഗിച്ചു.തുടർന്ന് പന്തം കൊളുത്തി പ്രകടനം നടന്നു.
