ചെങ്ങന്നൂര് : കേരള സർക്കാർ സ്ഥാപനങ്ങളായ കേരള അക്കാഡമി ഫോർ സ്കിൽ എക്സലൻസും (KASE) ഐ.എച്ച്.ആർ.ഡി റീജിനൽ സെന്റർ എറണാകുളവും ചെങ്ങന്നൂർ ഐ.എച്ച്.ആർ.ഡി എഞ്ചിനീയറിംഗ് കോളേജും, സംയുക്തമായി സ്ത്രീശാക്തീകരണം ലക്ഷ്യമാക്കി വനിതകൾക്കായി ആരംഭിക്കുന്ന 6 മാസത്തെ സൗജന്യ തൊഴിലധിഷ്ഠിത കോഴ്സായ “ഗാർഹീക വൈദ്യുതീകരണവും പ്ലംബിങ്ങിലേക്കും” അപേക്ഷകൾ ക്ഷണിക്കുന്നു. അപേക്ഷകൾ സ്വീകരിക്കുന്ന അവസാന തീയതി 10.02.22. അഞ്ച് ലക്ഷത്തിൽ താഴെ വാർഷിക കുടുംബ വരുമാനമുള്ളവർ, എസ്.സി /എസ്.റ്റി/ഒ.ബി.സി വിഭാഗത്തിൽപ്പെട്ടവർ, കോവിഡ് /പ്രളയം മൂലം തൊഴിൽ നഷ്ടപ്പെട്ടവർ, ഏകരക്ഷകർത്താസംരക്ഷക, ഭിന്നശേഷിക്കാരായ മക്കളുടെ മാതാവ്, വിധവ, വിവാഹ ബന്ധം വേർപെടുത്തിയവർ, ഒറ്റ പെൺകുട്ടിയുടെ മാതാവ് എന്നീ വിഭാഗത്തിൽപെട്ടവർ ആയിരിക്കണം അപേക്ഷകർ. ഏറ്റവും കുറഞ്ഞ വിദ്യാദ്യാസ യോഗ്യത: എസ്.എസ്.എൽ.സി. വിശദ വിവരങ്ങൾക്ക് സ്ഥാപനവുമായി ബന്ധപ്പെടുക. ഫോൺ നമ്പർ : 0479 – 2454125. വെബ്സൈറ്റ്: www.ceconline.edu
