ചെങ്ങന്നൂർ: സമര സമിതി നേതാക്കളെ അറസ്റ്റ് ചെയ്തതിൽ പ്രതിഷേധിച്ച് ടൗണിൽ പ്രതിഷേധ പ്രകടനവും പൊതുയോഗവും നടന്നു. സമര സമിതി ജില്ലാ കൺവീനർ മധു ചെങ്ങന്നൂർ അദ്ധ്യക്ഷത വഹിച്ച യോഗം കെപിസിസി സെക്രട്ടറി അഡ്വ.എബി കുര്യാക്കോസ് ഉദ്ഘാടനം ചെയ്തു. എസ്.യു.സി.ഐ കമ്മ്യൂണിസ്റ്റ് ജില്ലാ സെക്രട്ടേറിയറ്റ് അംഗം ആർ.പാർഥസാരഥി വർമ്മ, സമര സമിതി ജില്ലാ പ്രസിഡന്റ് സന്തോഷ് പടനിലം, അഡ്വ.ജോർജ് തോമസ്, ഷിബു രാജൻ, ഫിലിപ്പ് വർഗീസ്, സിന്ധു ജേയിംസ് എന്നിവർ പ്രസംഗിച്ചു.
