കൊച്ചി: മോൻസൻ മാവുങ്കലിന്റെ പുരാവസ്തു തട്ടിപ്പ് കേസിലെ അന്വേഷണ ഉദ്യോഗസ്ഥനായ ക്രൈം ബ്രാഞ്ച് ഡിവൈ.എസ്.പി. വൈ.ആർ. റസ്റ്റത്തിനെതിരേ വിജിലൻസ് പ്രാഥമിക അന്വേഷണം. പുരാവസ്തു തട്ടിപ്പ് കേസന്വേഷണം വേഗത്തിലാക്കാൻ പണം വാങ്ങിയെന്ന, കോഴിക്കോട് കൊടിയത്തൂർ സ്വദേശി യാക്കൂബ് പുറായിൽ വിജിലൻസ് ഡയറക്ടർക്ക് നൽകിയ, പരാതിയെ തുടർന്ന് വിജിലൻസ് കൊച്ചി യൂണിറ്റ് ഡിവൈ.എസ്.പി. ടോമി സെബാസ്റ്റ്യനാണ് പരാതിയിൽ അന്വേഷണം നടത്തുക.
റസ്റ്റം പരാതിക്കാരിൽനിന്ന് പണം വാങ്ങിയെന്നായിരുന്നു യാക്കൂബ് വിജിലൻസ് ഡയറക്ടർക്ക് നൽകിയ പരാതി. ഇതിലെ വിശദാംശങ്ങൾ അറിയുന്നതിനായി 18-ന് വിജിലൻസ് ഓഫീസിൽ നേരിട്ട് ഹാജരാകാൻ പരാതിക്കാരനോട് വിജിലൻസ് ഡിവൈഎസ്.പി. നിർദേശിച്ചിട്ടുണ്ട്.
