പത്തനംതിട്ട: ഓക്സിജന് ക്ഷാമം നേരിടുന്ന പത്തനംതിട്ട ജനറൽ ആശുപത്രിയിലേക്ക് ഓക്സിജൻ സിലിണ്ടറുകളും കുടിവെള്ളവുമായി ആന്റോ ആന്റണി എം.പി. കഴിഞ്ഞ ദിവസം എം.പി യുടെ കോവിഡ് കെയർ പദ്ധതിയുടെ ഭാഗമായി നടന്ന രക്തദാന ക്യാമ്പിൽ വെച്ച് ആർ എം ഒ ഡോ: ആശിഷ് മോഹൻ കുമാർ ഓക്സിജൻ ക്ഷാമത്തെപ്പറ്റി എം.പിയെ അറിയിച്ചിരുന്നു. ഇതിനെത്തുടര്ന്ന് കോവിഡ് കെയർ പദ്ധതിയിലൂടെ ഓക്സിജൻ സിലണ്ടറുകളും കുടിവെള്ളവും ഇന്ന് എത്തിക്കുകയായിരുന്നു.
യൂത്ത് കോൺഗ്രസ്സ് സംസ്ഥാന നിർവ്വാഹകസമിതിയംഗം നഹാസ് പത്തനംതിട്ട, കോവിഡ് നോഡൽ ഓഫീസർ ഡോ.ഹരികൃഷ്ണൻ എന്നിവർ സന്നിഹിതരായിരുന്നു. നഹാസ് പത്തനംതിട്ടക്കാണ് കോവിഡ് കെയർ പദ്ധതിയുടെ ഏകോപന ചുമതല.
