ഡല്ഹി : രാജ്യത്ത് കോവിഡ് വ്യാപനം രൂക്ഷമായപ്പോള് കടുത്ത വെല്ലുവിളിയായി സ്വകാര്യ ലാബുകളുടെ നീക്കം. ആര്.ടി.പി.സി.ആര് പരിശോധനാ നിരക്ക് 500 രൂപയായി കുറച്ച് ഉത്തരവിറങ്ങിയതിന് പിന്നാലെ പരിശോധനകള് നിര്ത്തിവെച്ചിരിക്കുകയാണ് സ്വകാര്യ ലാബുകള്. ചിലയിടങ്ങളില് പഴയ നിരക്കില് പരിശോധന തുടരുന്നുമുണ്ട്. അതേസമയം നിരക്ക് കുറച്ച സര്ക്കാര് ഉത്തരവിനെതിരെ ഹൈക്കോടതിയെ സമീപിക്കാനൊരുങ്ങുകയാണ് ലാബ് ഉടമകള്.
പരിശോധനാ നിരക്ക് 500രൂപയാക്കിയ പ്രഖ്യാപനം വന്നിട്ടും സര്ക്കാര് ഉത്തരവിന്റെ പകര്പ്പ് ലഭിച്ചിട്ടില്ലെന്ന സാങ്കേതിക കാരണം ചൂണ്ടികാണിച്ചാണ് ലാബുകള് നിരക്ക് കുറയ്ക്കാത്തത്. ലാബുകളുടെ നിലപാട് വാര്ത്തയായതോടെ പലയിടങ്ങളിലും ആളുകള് പ്രതിഷേധവുമായെത്തി.
നിരക്ക് 1700ല് നിന്ന് 500 രൂപയാക്കിക്കൊണ്ടുളള സര്ക്കാര് ഉത്തരവ് ഉച്ചയോടെയാണ് പുറത്തിറങ്ങിയത്. എന്നാല് നിരക്ക് കുറയ്ക്കാന് ഉത്തരവിന്റെ പകര്പ്പ് കയ്യില് കിട്ടണമെന്ന് ലാബ് ഉടമകള് വാശിപിടിച്ചു. പ്രതിഷേധം കനത്തതോടെ പരിശോധന പാടെ നിര്ത്തിവെച്ചു. സര്ക്കാര് ഉത്തരവ് പരിശോധിച്ച ശേഷം ടെസ്റ്റ് പുനരാംഭിക്കുമെന്നാണ് സ്വകാര്യ ലാബുകളുടെ വിശദീകരണം.
