റാന്നി : വെച്ചൂച്ചിറ ജവഹർ നവോദയ വിദ്യാലയത്തിന്റെ മുപ്പത്തിയെട്ടാമത് വാർഷികം ആന്റോ ആന്റണി എംപി ഉദ്ഘാടനം ചെയ്തു. പത്തനംതിട്ട സബ് കളക്ടർ സുമിത് കുമാർ താക്കൂർ ഐ.എ.എസ് അധ്യക്ഷത വഹിച്ചു.ഗ്രാമപഞ്ചായത്ത് പ്രസിഡന്റ് രമാദേവി, മെമ്പർമാരായ ടി കെ ജെയിംസ്, പ്രിയ സുരേന്ദ്രൻ, പ്രശസ്ത ഗായകൻ സുമേഷ് അയിരൂർ, നവോദയ പ്രിൻസിപ്പൽ വി സുധീർ, വൈസ് പ്രിൻസിപ്പൽ പി ജി രശ്മി, വെച്ചൂച്ചിറ കോളനി ഹയർ സെക്കൻഡറി സ്കൂൾ പ്രിൻസിപ്പൽ ജി ബീന, കൊല്ലമുള ലിറ്റിൽ ഫ്ലവർ പബ്ലിക് സ്കൂൾ പ്രിൻസിപ്പൽ റവ. ഡോ. സുരേഷ് തോമസ് മാടപ്പാട്ട് സി എം എഫ്, രക്ഷാകർതൃ പ്രതിനിധി സുരേഷ്, പൂർവവിദ്യാർഥി സംഘടനാ പ്രസിഡന്റ് സിജു കുര്യൻ, അധ്യാപിക കെഎൽ രശ്മി എന്നിവര് പ്രസംഗിച്ചു.
പതിനൊന്നാം ക്ലാസ്സ് വിദ്യാർത്ഥിനിയായ സാനിയ വരച്ച ആന്റോ ആന്റണിയുടെ ചിത്രം ചടങ്ങിൽ വെച്ച് അദ്ദേഹത്തിന് സമ്മാനിച്ചു. നവോദയ വിദ്യാലയത്തിലെ അധ്യാപകർ, കുടുംബാംഗങ്ങൾ, വിദ്യാർത്ഥികൾ, രക്ഷിതാക്കൾ, ക്ഷണിക്കപ്പെട്ട മറ്റ് അതിഥികൾ എന്നിവർ ഉൾപ്പെട്ട നിറഞ്ഞു കവിഞ്ഞ സദസ്സിനു മുന്നിൽ ഉന്നത നിലവാരമുള്ള കലാസാംസ്കാരിക പരിപാടികളാണ് വിദ്യാർത്ഥികൾ അവതരിപ്പിച്ചത്.
