ശ്രീകണ്ഠപുരം (കണ്ണൂര്) : മൃഗസംരക്ഷണ വകുപ്പില് താത്കാലിക ജീവനക്കാരിയായി നിയമനം ലഭിച്ചതിനെത്തുടര്ന്ന് ശ്രീകണ്ഠപുരം നഗരസഭയിലെ സി.പി.എം. കൗണ്സിലര് സ്ഥാനം രാജിവെച്ച് സി.പി.ഐ. യൂണിയനില് ചേര്ന്നു. കോട്ടൂര് വാര്ഡില്നിന്ന് വിജയിച്ച ടി.സി.ഭവാനിയാണ് സി.പി.ഐ.യുടെ സര്വീസ് സംഘടനയായ ജോയിന്റ് കൗണ്സിലില് അംഗത്വമെടുത്തത്. കഴിഞ്ഞയാഴ്ചയാണ് മൃഗസംരക്ഷണ വകുപ്പിന്റെ അലവിലെ ഓഫീസില് പാര്ട്ട് ടൈം സ്വീപ്പറായി ഭവാനിക്ക് ജോലി ലഭിച്ചത്.
ജോലി ലഭിച്ചിട്ടുണ്ടെന്നും ഈ സാഹചര്യത്തില് കൗണ്സിലര് സ്ഥാനം രാജിവെക്കുമെന്നും ഭവാനി സി.പി.എം. ശ്രീകണ്ഠപുരം ഏരിയാ നേതൃത്വത്തെ അറിയിച്ചു. തിങ്കളാഴ്ച ഇവര് നഗരസഭാ സെക്രട്ടറിക്ക് രാജിക്കത്ത് നല്കി.സി.പി.എം. കോട്ടൂര് നോര്ത്ത് ബ്രാഞ്ചംഗം കൂടിയാണ് ഭവാനി. തിങ്കളാഴ്ച രാവിലെ ജോലിയില് പ്രവേശിച്ച ഭവാനി വൈകിട്ട് ശ്രീകണ്ഠപുരത്ത് നടന്ന ചടങ്ങില് ജോയിന്റ് കൗണ്സിലില് അംഗത്വമെടുത്തു.
