പത്തനംതിട്ട : മാർത്തോമ്മാ ഹയർ സെക്കന്ററി സ്കൂളിൽ നിന്ന് 2026 മാർച്ചിൽ പ്ലസ് ടു പരീക്ഷയിൽ മുഴുവന് വിഷയങ്ങള്ക്കും എ പ്ലസ് നേടിയ എസ്.പി.സി കേഡറ്റുകൾക്കുള്ള അനുമോദനവും ഓപ്പറേഷൻ തൂഫാൻ പദ്ധതിയുടെ സ്കൂൾ തല പ്രവർത്തനോത്ഘാടനവും എസ്.പി.സി ജില്ലാ നോഡൽ ഓഫിസർ അഡീഷണൽ എസ്.പി വിജയൻ റ്റി.ബി. ഉദ്ഘാടനം ചെയ്തു. യുവതലമുറയുടെ രാഷ്ട്രത്തോടുള്ള കടമ, നിയമങ്ങൾ അനുസരിക്കേണ്ടതിന്റെ ആവശ്യകത, സുരക്ഷിതമായ സാമൂഹ്യ മാധ്യമങ്ങളുടെ ഉപയോഗം, ലഹരി വസ്തുക്കളിൽ നിന്ന് വിട്ട് നിൽക്കേണ്ടതിന്റെ ആവശ്യകത എന്നിവ ഉദ്ഘാടന പ്രസംഗത്തിൽ അദ്ദേഹം ഓര്മ്മിപ്പിച്ചു.
സ്കൂൾ പ്രിൻസിപ്പൽ ഹേമ മേരി മാത്യു യോഗത്തില് അദ്ധ്യക്ഷത വഹിച്ചു. മുൻസിപ്പൽ കൗൺസിലർ സി.കെ അർജുനൻ, പി.റ്റി.എ. പ്രസിഡന്റ് അഡ്വ.ജോൺ പോൾ മാത്യു, ലോക്കൽ മാനേജർ ഫാ.സോജു എം.തോമസ്, ഗാർഡിയൻ എസ്.പി.സി. പ്രസിഡന്റ് ഫാ.ജേക്കബ്ബ് ജോണ് വി., എസ്.പി.സി അഡി.നോഡൽ ഓഫീസർ സുരേഷ് കുമാർ ജി., ഹെഡ് മിസ്ട്രസ് ഷീജ ബേബി, സി.പി.ഒ മിന്റോ വി.റ്റി, എ.സി.പി.ഓ മേരി മത്തായി, ഡി.ഐ രാജേഷ്.കെ, കൃഷ്ണേന്ദു രാജേഷ് എന്നിവർ പ്രസംഗിച്ചു. എ പ്ലസ് നേടിയ കേഡറ്റുകൾക്ക് മൊമെന്റോയും സർട്ടിഫിക്കറ്റുകളും നൽകി ആദരിച്ചു.
