കാസർകോട് : കാസർകോട്ടെ പുത്തിഗെ ഗ്രാമപഞ്ചായത്തിൽ സ്ഥിതി ചെയ്യുന്ന അംഗഡിമുഗർ ഗവ. ഹയർസെക്കൻഡറി സ്കൂളിന്റെ കവാടത്തിന്റെ തൂണിൽ പാർട്ടിയുടെ പേര് എഴുതിവെച്ചു. സിപിഎം ബാഡൂർ ലോക്കൽ കമ്മിറ്റി എന്നാണ് സ്കൂളിന്റെ കവാടത്തിന്റെ തൂണിൽ എഴുതിയത്. സിപിഎം നേതാവ് കെ.എസ്.അബ്ദുൽ റഹ്മാന്റെ സ്മരണയ്ക്കായി ലോക്കൽ കമ്മിറ്റി നിർമിച്ചു നൽകിയ കവാടത്തിന്റെ തൂണിലാണ് ഇത്തരത്തിൽ സിപിഎം എന്ന് രേഖപ്പെടുത്തിയത്. കെ.എസ്.മെമ്മോറിയൽ ഗേറ്റ്, സിപിഐഎം ബാഡൂർ ലോക്കൽ കമ്മിറ്റിയെന്ന് ചുവപ്പ് നിറത്തിലാണ് കവാടത്തിലെ തൂണിൽ രേഖപ്പെടുത്തിയത്. സംഭവം വിവാദമായതോടെ സിപിഎം തന്നെ ഇടപെട്ട് രാത്രി തന്നെ എഴുത്തുകൾ നീക്കം ചെയ്യുകയും ചെയ്തു. കുറച്ച് വർഷം മുൻപ് ബാഡൂർ ലോക്കൽ കമ്മിറ്റി കമാനം നിർമിച്ചു നൽകിയിരുന്നു എന്നാൽ റോഡ് നവീകരിച്ചതോടെ മൂന്നരലക്ഷം രൂപ ചെലവിൽ കമാനം മാറ്റിനിർമിച്ചെന്നുമാണ് പാർട്ടി പറയുന്നത്. സംഭവത്തിൽ വിദ്യാഭ്യാസ മന്ത്രിക്കും കോൺഗ്രസ് അംഗം സോമശേഖരൻ പരാതി നൽകിയിരുന്നു. പിന്നാലെ സിപിഎം ജില്ലാ നേതൃത്വം തന്നെ ഇടപെട്ട് പേര് നീക്കം ചെയ്യുകയും ചെയ്തു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
