തിരുവനന്തപുരം : ഒരിക്കല് അംഗീകരിച്ച ഓഡിനന്സ് പുതിയ സാഹചര്യത്തില് വീണ്ടും ഒപ്പിടാന് ഗവര്ണര്ക്ക് വിമുഖത. ജില്ലാ സഹകരണ ബാങ്കുകളുടെ ലയനവുമായി ബന്ധപ്പെട്ട് സര്ക്കാര് പാസാക്കിയ ഓഡിനന്സിലാണ് മുന്പ് ഗവര്ണര് ഒപ്പിട്ടത്. ഇതിന്റെ കാലവധി ഒരു വര്ഷത്തേക്ക് കൂടി നീട്ടണമെന്നാവശ്യപ്പെട്ട് കഴിഞ്ഞ നിയമസഭാ സമ്മേളനം പാസാക്കിയ ഭേദഗതിയാണ് ഒപ്പിടാതെ ഗവര്ണര് വൈകിപ്പിക്കുന്നത്.
കേരള ബാങ്ക് രൂപീകൃതമായപ്പോള് 14 ജില്ലാ സഹകരണ ബാങ്കുകളെയും ലയിപ്പിക്കുവാനായിരുന്നു സര്ക്കാര് തീരുമാനം. എന്നാല് മലപ്പുറം ജില്ലാ സഹകരണ ബാങ്ക് ലയനത്തില് നിന്നും വിട്ട് നിന്നു. ഈ ഘട്ടത്തിലാണ് സംസ്ഥാന സര്ക്കാര് ഓര്ഡിനന്സ് കൊണ്ടുവന്നത്.
