തിരുവനന്തപുരം: മുഖ്യമന്ത്രി പിണറായി വിജയന്റെ ഓഫീസര് ഓണ് സ്പെഷ്യല് ഡ്യൂട്ടി ആര് മോഹനന്റെ ഔദ്യോഗികവാഹനം ദുരുപയോഗം ചെയ്ത സംഭവം പരിശോധിക്കുമെന്ന് ഗവര്ണര് ആരിഫ് മുഹമ്മദ് ഖാന്.ഉദ്യോഗസ്ഥന്റെ ഇന്നോവ വാഹനമാണ് സ്വകാര്യ ആവശ്യങ്ങള്ക്ക് ഉപയോഗിച്ചത്.ആര് മോഹനന്റെ ഭാര്യയായ ഡോ. പൂര്ണ്ണിമ മോഹന് വഞ്ചിയൂരിലെ സംസ്കൃതം സെന്ററിലേക്ക് പോകുന്നതും വരുന്നതും ഔദ്യോഗിക കാറിലാണെന്ന് നേരത്തെ വാര്ത്തകള് പുറത്ത് വന്നിരുന്നു.
ശരാശരി 35 കിലോമീറ്റര് ഓടേണ്ട വാഹനം ദിവസേന 100 കിലോമീറ്ററിലധികമാണ് പിന്നിട്ടിരിക്കുന്നത്. 2022 ഏപ്രില് മാസം – 2121 കിലോമീറ്റര്,മെയ് മാസം – 1694 കിലോമീറ്റര്, ജൂണ് മാസം – 2268 കിലോമീറ്റര്, ജൂലൈ മാസം – 2387 കിലോ മീറ്റര്, ആഗസ്റ്റ് മാസം – 1701 കിലോമീറ്റര് എന്നിങ്ങനെയാണ് വിവരാവകാശ രേഖ പ്രകാരമുള്ള കണക്കുകള്. വാഹനം ഈ രീതിയില് സ്വകാര്യ ആവശ്യത്തിന് ഉപയോഗിക്കാന് സര്ക്കാര് ഖജനാവിലേക്ക് പണമടച്ചിട്ടില്ല എന്നും രേഖകള് ചൂണ്ടിക്കാണിക്കുന്നു.
ഉദ്യോഗസ്ഥന്റെ വാഹനം ഈ വിധത്തില് ദുരുപയോഗം ചെയ്ത വാര്ത്ത പുറത്ത് വന്നതിന് പിന്നാലെ ഒരു ദിവസത്തെ യാത്രയ്ക്ക് 2,400 രൂപ അടച്ചിരുന്നു. എല്ഡിഎഫ് സര്ക്കാരിന്റെ അഴിമതിയുടെയും സ്വജനപക്ഷപാതത്തിന്റെയും തെളിവുകള് ദിവസേന പുറത്തുവരുന്നതിനിടെയാണ് പൊതുജനങ്ങളുടെ നികുതി പണം ഉപയോഗിച്ച് ഔദ്യോഗിക വാഹനം ദുരുപയോഗം ചെയ്യുന്ന ഉദ്യോഗസ്ഥന്റെ കള്ളക്കളി പുറത്തായിരിക്കുന്നത്.