ഇടുക്കി: അരിക്കൊമ്പന് പെരിയാര് കടുവ സാങ്കേതത്തിലെ വനമേഖലയില് തുടരുന്നു. കടുവ സാങ്കേതത്തിലെ മുല്ലക്കുടി ഭാഗത്ത് കോര് ഏരിയയിലെ ഉള് വനത്തിലാണ് ഇപ്പോഴുള്ളത്. ആനയുടെ നീക്കങ്ങള് വനംവകുപ്പ് നിരീക്ഷിക്കുന്നുണ്ട്. കഴിഞ്ഞ ഒരാഴ്ചയായി അതിര്ത്തിയില് കേരളത്തിന്റേയും തമിഴ്നാടിന്റേയും വനമേഖലയില് ചുറ്റിത്തിരിയുകയായിരുന്ന അരിക്കൊമ്പന്.
ദിവസേന ഏഴ് മുതല് എട്ട് കിലോ മീറ്റര് വരെ കൊമ്പന് സഞ്ചരിക്കുന്നുണ്ടെന്നാണ് വനം വകുപ്പ് കണ്ടെത്തിയിരിക്കുന്നത്. എന്നാല് ഇന്നലെ രാവിലെ മുതല് അരിക്കൊമ്പന് പെരിയാര് കടുവ സങ്കേതത്തിന് ഉള്ളില് തന്നെയാണ് ഉള്ളത്. കടുവ സാങ്കേതത്തിലെ മുല്ലക്കുടി ഭാഗത്താണ് നിലവില് കൊമ്പനുള്ളത്. അരിക്കൊമ്പനെ ഏപ്രില് അവസാനത്തോടെയാണ് മയക്കുവെടി വച്ച് പിടികൂടി പെരിയാര് കടുവാ സങ്കേതത്തിലേക്ക് തുറന്ന് വിട്ടത്. റേഡിയോ കോളര് ഘടിപ്പിച്ച ശേഷമായിരുന്നു അരിക്കൊമ്പനെ പെരിയാര് കടുവാ സങ്കേതത്തില് തുറന്ന് വിട്ടത്.
