തമിഴ്നാട്: സിഗ്നല് നഷ്ടമായ അരിക്കൊമ്പന്റെ സഞ്ചാരപാത കണ്ടെത്താനാകുന്നില്ലന്ന് തമിഴ്നാട് വനംവകുപ്പ്. കൊമ്പന് ഉള്ക്കാട്ടിലേക്ക് കയറിയതുകൊണ്ടാകാം സിഗ്നല് നഷ്ടമായതെന്നാണ് പ്രാഥമിക നിഗമനം. അവസാനമായി സിഗ്നല് ലഭിച്ചത് കോതയാര് ടാമിന്റെ പരിസരത്തുനിന്നാണ്. സംഭവത്തില് അന്പതംഗ വനംവകുപ്പ് ഉദ്യോഗസ്ഥര് കാട്ടില് പരിശോധന നടത്തുകയാണ്. കഴിഞ്ഞ ചെവ്വാഴ്ചയാണ് കളക്കാട് മുണ്ടന്തറ കടുവാ സങ്കേതത്തില് അരിക്കൊമ്പനെ തുറന്നുവിട്ടത്.
രണ്ടു ദിവസങ്ങളായി കോതയാര് ഡാമിനു സമീപത്തായിരുന്നു കൊമ്പന് നിലയുറപ്പിച്ചിരുന്നത്. ഇതിനു പിന്നാലെ വ്യാഴാഴ്ച വൈകിട്ടോടെയാണ് റേഡിയോ കോളറില് നിന്നും സിഗ്നല് നഷ്ടമായത്. നിലവില് കോതയാറില് നിന്ന് നെയ്യാര് വനമേഖലയിലേക്ക് 130 കിലോമീറ്റര് ദൂരമോയുള്ളൂ. അതിനാല് തന്നെ ആന തിരികെ കേരളാതിര്ത്തിയിലേക്ക് സഞ്ചരിച്ചിരിക്കുമോ എന്നും ആശങ്കകള് ഉയരുന്നുണ്ട്.
