റാന്നി : വീട്ടില്‍ അതിക്രമിച്ചുകയറി പതിമൂന്നുകാരിയോട് ലൈംഗിക അതിക്രമം കാണിച്ചയാള്‍ അറസ്റ്റില്‍. ചേത്തക്കല്‍ വെച്ചൂച്ചിറ വാകമുക്ക് നെടുമണ്ണില്‍ ജെയിംസ് ജോണ്‍ (55) ആണ് വെച്ചൂച്ചിറ പോലീസിന്റെ പിടിയിലായത്. ഓഗസ്റ്റ് എട്ടിനായിരുന്നു അതിക്രമം. വീട്ടിനുള്ളില്‍ ഒറ്റയ്ക്കായിരുന്ന പെണ്‍കുട്ടിയെ കയറിപ്പിടിച്ച ഇയാള്‍, കുട്ടി എതിര്‍ത്തപ്പോള്‍ ബലാല്‍ക്കാരമായി അതിക്രമം കാണിച്ചതായാണ് പരാതി. ബുധനാഴ്ച രാത്രിയാണ് പോലീസില്‍ വിവരം കിട്ടുന്നത്.
കുട്ടിയുടെ മൊഴി രേഖപ്പെടുത്തിയ പോലീസ് വൈദ്യപരിശോധനാ റിപ്പോര്‍ട്ടുകള്‍ ഉള്‍പ്പെടെ പരിശോധിച്ചു. വെച്ചൂച്ചിറ എസ്.ഐ.സണ്ണിക്കുട്ടിയുടെ നേതൃത്വത്തില്‍ എ.എസ്.ഐ. സുഭാഷ്, എസ്.സി.പി.ഒ. ആശാ ഗോപാലകൃഷ്ണന്‍, സി.പി.ഒ.മാരായ മഹേഷ്, അന്‍സാരി, അലക്‌സ് എന്നിവരാണ് കേസ് അന്വേഷിച്ചത്.
