തിരുവനന്തപുരം: കേന്ദ്ര ഏജന്‍സികളെ ഉപയോഗിച്ച്‌ സംസ്ഥാനങ്ങളെ തകര്‍ക്കാനാണ് കേന്ദ്രസര്‍ക്കാര്‍ ശ്രമമെന്ന് രാജസ്ഥാന്‍ മുഖ്യമന്ത്രി അശോക് ഗെഹ്ലോട്ട്. രാജസ്ഥാനില്‍ ജനകീയമായ പ്രതിരോധത്തിലൂടെയാണ് ഇതിനെ അതിജീവിച്ചതെന്നും അശോക് ഗെഹ്ലോട്ട് പറഞ്ഞു.
കോണ്‍ഗ്രസ് മുക്തഭാരതമാണ് ബി.ജെ.പി ലക്ഷ്യംവെക്കുന്നത്. ഇതിനായി കോണ്‍ഗ്രസ് സര്‍ക്കാറുകളെ അട്ടിമറിക്കാന്‍ ശ്രമിക്കുന്നു. ഝാര്‍ഖണ്ഡ് സര്‍ക്കാറിനെ അട്ടിമറിക്കാനാണ് ഇപ്പോള്‍ ശ്രമമെന്നും ഗെഹ്ലോട്ട് കുറ്റപ്പെടുത്തി. കേരളത്തില്‍ മാത്രമാണ് സി.പി.എമ്മുമായി പോരാട്ടമുള്ളത്. കേന്ദ്രത്തില്‍ ബി.ജെ.പിയാണ് മുഖ്യ എതിരാളിയെന്നും അശോക് ഗെഹ്ലോട്ട് പറഞ്ഞു.
