പത്തനംതിട്ട: തായ്ലൻ്റിൽ നടന്ന ഏഷ്യൻ ഗ്രാപ്ലിംഗ് റെസ്ലിംഗ് ചാമ്പ്യൻഷിപ്പ് 2025-ൽ ഇന്ത്യയെ പ്രതിനിധീകരിച്ച് നാലാം സ്ഥാനം നേടിയ നാഷണൽ ഗോൾഡ് മെഡലിസ്റ്റ് പത്തനംതിട്ട സ്വദേശി ഇമ്രാൻ ഖാനെ യൂത്ത് കോൺഗ്രസ് സംസ്ഥാന കമ്മിറ്റിയുടെ പേരിൽ ആദരിച്ചു. ഇന്ത്യൻ യൂണിയൻ മുസ്ലീം ലീഗ് ദേശീയ സെക്രട്ടറി പാണക്കാട് സയ്യിദ് മുനവ്വറലി ഷിഹാബ് തങ്ങൾ ഇമ്രാൻ ഖാനെ ഉപഹാരം നൽകി അനുമോദിച്ചു. രാജ്യത്തിനും സംസ്ഥാനത്തിനും അഭിമാനകരമായ നേട്ടമാണ് ഇമ്രാൻ ഖാൻ സ്വന്തമാക്കിയതെന്നും യുവജനങ്ങൾക്ക് പ്രചോദനമാണ് ഇത്തരത്തിലുള്ള വിജയങ്ങളെന്നും ചടങ്ങിൽ സംസാരിച്ച തങ്ങൾ പറഞ്ഞു.
കായിക രംഗത്ത് തുടർച്ചയായി മികച്ച പ്രകടനം കാഴ്ചവെക്കുന്ന ഇമ്രാൻ ഖാനെ അനുമോദിച്ച് യൂത്ത് കോൺഗ്രസ് നേതാക്കൾ ആശംസകൾ അറിയിച്ചു. ചടങ്ങിൽ യൂത്ത് കോൺഗ്രസ് സംസ്ഥാന സെക്രട്ടറി നഹാസ് പത്തനംതിട്ട അദ്ധ്യക്ഷത വഹിച്ചു പി എം അമീൻ, എം സി ആരിഫ്, റ്റിജോ സാമുവൽ, അജ്മൽ അലി, നിഷാൽ വലഞ്ചുഴി, അജ്മൽ കരിം, എം അബ്ദുൽ സലാം, അനീഷ് അബ്ബാസ് എന്നിവർ പങ്കെടുത്തു.
