കച്ചാര്‍ : അസമിലെ കച്ചാര്‍ ജില്ലയിലെ വെള്ളപ്പൊക്കത്തില്‍ ഒരു കുട്ടിയടക്കം മൂന്നു പേര്‍ മരിച്ചു. ജില്ലയിലെ 40,000ത്തിലധികം ആളുകള്‍ ദുരിതത്തിലാണ്. അസം സ്റ്റേറ്റ് ഡിസാസ്റ്റര്‍ മാനേജ്‌മന്റ് അതോറിറ്റിയുടെ (എഎസ്ഡിഎംഎ ) കണക്കനുസരിച്ചു ജില്ലയിലെ 138 വില്ലേജുകളിലായി 41,037 പ്രളയബാധിതര്‍ ജില്ലാ ഭരണകൂടം ആരംഭിച്ച ദുരിതാശ്വാസ ക്യാമ്പുകളില്‍ അഭയം പ്രാപിച്ചിട്ടുണ്ട്. പ്രളയത്തില്‍ 2099 .6 ഹെക്‌ടര്‍ കൃഷിയിടങ്ങള്‍ വെള്ളത്തിനടിയിലായി.
കോപ്പിലി നദിയിലെ വെള്ളപ്പൊക്കത്തില്‍ നിരവധി ഗ്രാമങ്ങളും കൃഷിയിടങ്ങളും വെള്ളത്തിനടിയിലായതിനെത്തുടര്‍ന്ന് അസമിലെ നാഗോണ്‍ ജില്ലയിലെ കാമ്പൂര്‍ പ്രദേശത്തെ വെള്ളപ്പൊക്കം കൂടുതല്‍ വഷളായി. എഎസ്ഡിആര്‍എഫ് , ഫയര്‍ ആന്‍ഡ് എമര്‍ജന്‍സി സര്‍വീസ് , ജില്ലാ ഭരണകൂടം എന്നിവ ജില്ലയുടെ വിവിധ ഭാഗങ്ങളില്‍ രക്ഷാപ്രവര്‍ത്തനത്തില്‍ ഏര്‍പ്പെട്ടിരിക്കുകയാണ്.
