അസം: അസമില് സ്കൂള് അസംബ്ലിക്കിടെ 30 സ്കൂള് വിദ്യാര്ത്ഥിനികളുടെ മുടി പരസ്യമായി മുറിച്ച സംഭവം വിവാദമാകുന്നു. മജുലി ജില്ലയിലെ സ്കൂളിലായിരുന്നു സംഭവം. വിദ്യാര്ത്ഥിനികള് സ്കൂളിന്റെ പൊതു ഡ്രസ്സ് കോഡ് പാലിച്ചില്ല എന്ന് ആരോപിച്ചാണ് മുടി മുറിച്ചത്. സ്കൂളില് മുടി നീളത്തില് വളര്ത്തുന്നത് അനുവദനീയമല്ല. എന്നാല് വിദ്യാര്ത്ഥിനികള് മുടി നീളത്തില് വളര്ത്തി. തങ്ങള് ഇക്കാര്യം പല പ്രാവശ്യം വിദ്യാര്ത്ഥിനികളുടെ മാതാപിതാക്കളുമായി പങ്കുവെച്ചെന്നും എന്നാല് അവരും ഇക്കാര്യം ചെവികൊണ്ടില്ലെന്നും സ്കൂള് അധികൃതര് പറയുന്നു.
സംഭവത്തില് പ്രതിഷേധമറിയിച്ച് കുട്ടികളുടെ മാതാപിതാക്കളും രംഗത്തെത്തി. നിരവധി വിദ്യാര്ത്ഥികളുടെ മുന്പില്വെച്ച് പരസ്യമായി കുട്ടികളുടെ മുടി വെട്ടിയത് അവരെ മാനസികമായി ബാധിച്ചെന്ന് മാതാപിതാക്കള് പറഞ്ഞു.
