പത്തനംതിട്ട : നിയമസഭ തിരഞ്ഞെടുപ്പിനോടനുബന്ധിച്ച് പത്തനംതിട്ട ജില്ലയിലെ അഞ്ച് നിയമസഭ നിയോജക മണ്ഡലങ്ങളിലെ വരണാധികാരികളെ നിയമിച്ചു. തിരുവല്ല മണ്ഡലത്തില് തിരുവല്ല സബ് കളക്ടര് സുമിത് കുമാര് താക്കൂര് (9447114902), റാന്നി മണ്ഡലത്തില് എല്.എ. ഡെപ്യൂട്ടി കളക്ടര് റോസ്ന ഹൈദ്രോസ് (9495444735), ആറന്മുള മണ്ഡലത്തില് ആര്.ആര്. ഡെപ്യൂട്ടി കളക്ടര് കെ.എസ്. അനില്കുമാര് (8547025685), കോന്നി മണ്ഡലത്തില് എല്.ആര്. ഡെപ്യൂട്ടി കളക്ടര് ഡി.സി. ദിലീപ് കുമാര് (9447773695), അടൂര് മണ്ഡലത്തില് റവന്യൂ ഡിവിഷണല് ഓഫീസര് എം. ബിപിന്കുമാര് (9447799827) എന്നിവരാണ് വരണാധികാരികള്.
നിയമസഭ തിരഞ്ഞെടുപ്പിനുള്ള നാമനിര്ദേശ പത്രിക സമര്പ്പിക്കേണ്ട ആദ്യ ദിനമായ ഇന്ന് ജില്ലയില് ഒരു പത്രികയും ലഭിച്ചില്ല. ജില്ലയിലെ അഞ്ച് നിയമസഭ നിയോജക മണ്ഡലങ്ങളിലെയും വരണാധികാരികള്ക്കും ഉപവരണാധികാരികള്ക്കും മുമ്പാകെയാണ് പത്രിക സമര്പ്പിക്കേണ്ടത്. രാവിലെ 10 മുതല് വൈകിട്ട് മൂന്ന് വരെ പത്രിക സ്വീകരിക്കും. നാമനിര്ദേശ പത്രിക സമര്പ്പിക്കാനുള്ള അവസാന തീയതി മാര്ച്ച് 23 ആണ്. സൂക്ഷ്മ പരിശോധന മാര്ച്ച് 24 ന് നടക്കും. പത്രിക പിന്വലിക്കാനുള്ള അവസാന തീയതി മാര്ച്ച് 26. ഏപ്രില് 9 ന് വോട്ടെടുപ്പും മെയ് 4 ന് വോട്ടെണ്ണലും നടക്കും.
