തിരുവനന്തപുരം: കടത്തുരുത്തിയില് മുന് സുഹൃത്തിന്റെ സൈബര് അധിക്ഷേപത്തെ തുടര്ന്ന് ആത്മഹത്യ ചെയ്ത കോതനല്ലൂര് സ്വദേശിനി ആതിരയ്ക്ക് യാത്രാമൊഴിയേകി നാട്. നാട്ടുകാരും ബന്ധുക്കളുമടക്കം വലിയ ജനാവലിയുടെ സാന്നിധ്യത്തിലായിരുന്നു ആതിരയുടെ സംസ്കാര ചടങ്ങുകള്. ആതിരയുടെ മുന് സുഹൃത്തായിരുന്ന അരുണ് വിദ്യാധരന്റെ ഫേസ് ബുക്ക് അധിക്ഷേപം പരിധി വിട്ടതോടെതോടെയാണ് ആതിര ജീവനൊടുക്കിയത്. മറ്റൊരാളുമായി ആതിരയുടെ വിവാഹം ഉറപ്പിച്ചെന്നറിഞ്ഞായിരുന്നു അരുണിന്റെ സൈബര് അധിക്ഷേപം. ആതിരയുടെ മരണശേഷം മുങ്ങിയ പ്രതിക്കായി തമിഴ്നാട് കേന്ദ്രീകരിച്ച് പോലീസ് അന്വേഷണം തുടരുകയാണ്.
ആതിരയുടെ വിവാഹം ഉറപ്പിച്ചതിന് പിന്നാലെയാണ് അരുണ് ഫെയ്സ്ബുക്ക് അധിക്ഷേപം തുടര്ന്നത്. മൊബൈല് ഫോണ് സ്വിച്ച് ഓഫ് ചെയ്ത് മുങ്ങിയ അരുണ് തമിഴ്നാട്ടില് ഉണ്ടെന്ന സൂചന അടിസ്ഥാനമാക്കിയാണ് പോലീസ് അന്വേഷണം പുരോഗമിക്കുന്നത്.