ലക്നൗ: മകൻ ലഹരിക്ക് അടിമയെന്ന് അതിഖ് അഹമ്മദിന്റെയും സഹോദരന്റേയും കൊലപാതകക്കേസിലെ പ്രതി ലവേഷ് തിവാരിയുടെ പിതാവ്. മകൻ ലഹരിക്ക് അടിമയാണ്. വീടുമായി വലിയ ബന്ധം ഒന്നുമില്ല. ഇടയ്ക്ക് വന്നു പോകും എന്ന് മാത്രം. നേരത്തെ ഒരു കേസിൽ ജയിലിൽ പോയിട്ടുണ്ടെന്നും പ്രതി ലവേഷ് തിവാരിയുടെ പിതാവ് യദ് കുമാർ മാദ്ധ്യമങ്ങളോട് പറഞ്ഞു.
അതിഖ് അഹമ്മദിൻ്റെയും സഹോദരൻ്റെയും കൊലപാതകത്തിലെ മൂന്ന് പ്രതികളും പ്രയാഗ് രാജിന് പുറത്ത് നിന്നുള്ളവരാണെന്ന് പോലീസ് പറയുന്നു. ലവേഷ് തിവാരി ബാദാ സ്വദേശിയും, സണ്ണി കാസ് ഗഞ്ച് സ്വദേശിയും, അരുൺ മൗര്യ ഹമീർ പൂർ സ്വദേശിയുമാണ്. മൂവരും വെള്ളിയാഴ്ച്ചയോടെയാണ് പ്രയാഗ് രാജിൽ എത്തിയതെന്ന് പോലീസ് പറയുന്നു. കഴിഞ്ഞ ദിവസം രാത്രിയാണ് അതിഖ് അഹമ്മദും സഹോദരനും വെടിവെപ്പിൽ കൊല്ലപ്പെടുന്നത്.
