കൊല്ലം : മദ്യപിച്ചെത്തി ഓണാഘോഷ പരിപാടിക്കിടെ ബഹളമുണ്ടാക്കുകയും പ്ലസ്ടു വിദ്യാര്ത്ഥിയെ പ്രകോപനമൊന്നുമില്ലാതെ ക്രൂരമായി ആക്രമിക്കുകയും ചെയ്ത രണ്ടു യുവാക്കള് അറസ്റ്റില്. കൊല്ലം കല്ലുവാതുക്കലിലാണ് സംഭവം. കല്ലുവാതുക്കല് മേവനക്കോണം ശ്രീരാഗത്തില് ശരത്ത് കുമാര് (ചിഞ്ചു, 34), ശ്രീരാമപുരം ആഴാത്ത് വീട്ടില് അനീഷ് (തേനി, 33) എന്നിവരാണ് പാരിപ്പള്ളി പോലീസിന്റെ പിടിയിലായത്.
കല്ലുവാതുക്കല് വയലില് തൃക്കോവില് അമ്പലത്തിന് സമീപത്ത് നടന്ന ഓണഘോഷ പരിപാടിയാണ് ഇവര് അലങ്കോലമാക്കിയത്. സമീപത്തുണ്ടായിരുന്ന വാഴക്കുലകളും മറ്റും വെട്ടി നശിപ്പിക്കുകയും ചെയ്തു. പാരിപ്പളളി ഇന്സ്പെക്ടര് അല്ജബ്ബാറിന്റെ നേതൃത്വത്തിലുള്ള പോലീസ് സംഘമാണ് പ്രതികളെ പിടികൂടിയത്.