തിരുവനന്തപുരം: ഇത്തവണയും ഉമ്മന് ചാണ്ടി ഓണം ആഘോഷിച്ചത് തിരുവനന്തപുരം ആർ.സി.സി.യിൽ ചികിത്സയിൽ കഴിയുന്ന അർബുദരോഗികൾക്കൊപ്പമാണ്. ഉമ്മൻചാണ്ടിയുടെ തിരുവനന്തപുരത്തെ വസതിയിലെ ഇന്ദിരാഗാന്ധി വീക്ഷണം ഫോറം അബുദാബിയുടെ നേതൃത്വത്തിലാണ് തിരുവോണ സാന്ത്വനം പരിപാടി സംഘടിപ്പിച്ചത്.
ഉമ്മൻചാണ്ടി, ഭാര്യ മറിയാമ്മ ഉമ്മൻ, മകൾ മരിയ ഉമ്മൻ, കൊച്ചുമകൻ എഫിനോയ് ഉമ്മൻ റിച്ചി എന്നിവർക്കൊപ്പം ഇവർ ഓണസദ്യ കഴിച്ചു. അവര്ക്കൊപ്പം ഓണ സദ്യ വിളമ്പിയും സാന്ത്വനവാക്കും പറഞ്ഞും ഒപ്പം നിന്നു അദ്ദേഹം. തുടർച്ചയായി ഏഴാം വർഷമാണ് ഉമ്മൻചാണ്ടിയുടെ വസതിയിൽ തിരുവോണ സഹായവിതരണവും ഓണസദ്യയും നടക്കുന്നത്. സംഘാടകരായ മുൻ കെ.പി.സി.സി. സെക്രട്ടറി എം.എ.ലത്തീഫ്, അസീസ്, ശ്രീചന്ദ്, ശരത്, ഇളമ്പ ഉണ്ണികൃഷ്ണൻ എന്നിവർ നേതൃത്വം നൽകി.
