ചെന്നൈ : തിരുനെല്വേലിയില് നിധി കണ്ടെത്തിത്തരാം എന്നു വിശ്വസിപ്പിച്ചു 5 മാസം പ്രായമായ കുഞ്ഞിനെ ബലി കൊടുക്കാന് ശ്രമം. കുട്ടിയുടെ അച്ഛന്റെയും മുത്തശ്ശിയുടെയും അന്ധവിശ്വാസം മുതലെടുത്തു കുഞ്ഞിനെ കുരുതി കൊടുക്കാനുള്ള ശ്രമം ബന്ധുവിന്റെ സമയോചിതമായ ഇടപെടലിനെ തുടര്ന്നാണു തടഞ്ഞതെന്ന് പോലീസ് പറഞ്ഞു.
നരബലി നടത്താന് ശ്രമിച്ച കിരണരാജനായി തിരച്ചില് ആരംഭിച്ചു. കുട്ടിയെ ചൈല്ഡ് ലൈന് പ്രവര്ത്തകര് ഏറ്റെടുത്തു. കുട്ടിയുടെ അമ്മ വഴി വിവരം അറിഞ്ഞ ബന്ധു സ്വര്ണപാണ്ടി പോലീസിനെ അറിയിച്ച ശേഷം വീട്ടിലെത്തി പൂജ തടയുകയായിരുന്നു. ഒളിവില് പോയ കിരണരാജനായി തിരച്ചില് ആരംഭിച്ചു. ഇയാളുടെ നിര്ദേശപ്രകാരം കുട്ടിയെ കുഴിച്ചു മൂടാന് കുഴിയെടുത്ത റിതേഷ്, കുമരേശന് എന്നീ സഹായികളെ അറസ്റ്റ് ചെയ്തതായി പോലീസ് അറിയിച്ചു.
