കാഞ്ഞങ്ങാട് : മംഗളൂരുവിൽ നിന്നും കോഴിക്കോട്ടേക്ക് കാറിൽ കടത്താൻ ശ്രമിച്ച നിരോധിത പാൻമസാല ശേഖരം പിടിച്ചു. കാഞ്ഞങ്ങാട് ഡി.വൈ.എസ്.പി. ഡോ.വി.ബാലകൃഷ്ണന് ലഭിച്ച രഹസ്യ വിവരത്തെ തുടർന്ന് കോട്ടച്ചേരിയിൽ നടത്തിയ പരിശോധനയിലാണ് പാൻമസാല പിടിച്ചത്.
സംഭവത്തിൽ കോഴിക്കോട് സ്വദേശികളായ മൂന്ന് പേർ അറസ്റ്റിലായി. സി.അഫ്സൽ(27), ഒ.മജീദ്(32), കെ.പി.അബ്ദുൾ അസീസ്(32) എന്നിവരെയാണ് ഹൊസ്ദുർഗ് പോലീസ് അറസറ്റ് ചെയ്തത്. ഇവർ സഞ്ചരിച്ച കാറിൽ നിന്നും 8310 പാക്കറ്റ് നിരോധിത പുകയില ഉൽപന്നങ്ങളാണ് പിടിച്ചത്.
മംഗളൂരുവിൽ നിന്നും വാങ്ങി കോഴിക്കോട്ട് ചില്ലറ വില്പന നടത്തുകയായിരുന്നു പ്രതികളുടെ ലക്ഷ്യം. പ്രതികൾ സഞ്ചരിച്ചിരുന്ന കാറും കസ്റ്റഡിയിൽ എടുത്തു. ഹൊസ്ദുർഗ് ഇൻസ്പെക്ടർ കെ.പി.ഷൈനിന്റെ നേതൃത്വത്തിൽ എസ്.ഐ. വി.ശ്രീജേഷ്, എ.എസ്.ഐ. അബൂബക്കർ കല്ലായി, സ്ക്വാഡ് അംഗങ്ങളായ നികേഷ്, ജിനീഷ്, ജയേഷ്, സജിത്ത്, ഷാജൻ എന്നിവരാണ് പരിശോധന നടത്തിയത്.
