എനാത്ത് : യാത്രക്കാരിക്ക് നേരെ അശ്ലീല സംഭാഷണം നടത്തിയ ഓട്ടോ ഡ്രൈവർ അറസ്റ്റിൽ. അടൂര് മണ്ണടി മുസ്ലിം പള്ളിക്ക് സമീപം രാജേഷ് മന്ദിരത്തിൽ രാജേഷ് (40) നെയാണ് ഏനാത്ത് പോലീസ് പിടികൂടിയത്. ഓട്ടോറിക്ഷയിൽ ഏനാത്ത് ജംഗ്ഷനിൽ വന്നിറങ്ങിയ യുവതിയോടും അമ്മയോടും അപമര്യാദയായി പെരുമാറുകയും യുവതിയോട് കടുത്ത അശ്ലീല ഭാഷയിൽ സംസാരിക്കുകയുമായിരുന്നു എന്ന് യുവതിയും അമ്മയും നല്കിയ പരാതിയില് പറയുന്നു. ഇത് ചോദ്യം ചെയ്ത മറ്റ് ആളുകളോടും ഇയാള് അസഭ്യവർഷം നടത്തുകയും ചെയ്തു.
യുവതിയുടെ പരാതിയിൽ കേസെടുത്ത ഏനാത്ത് പോലീസ് ഏനാത്ത് ടൗണിൽ നിന്ന് ഇയാളെയും ഓട്ടോറിക്ഷയും കസ്റ്റഡിയിലെടുക്കുകയായിരുന്നു. ഇൻസ്പെക്ടർ എസ്.എച്ച്.ഓ ഷിജി, എസ്.ഐ മാരായ വിഷ്ണുരാജ്, സുരേഷ് കുമാർ, എസ്.സി.പി.ഓ ഷൈൻകുമാർ, സി.പി.ഓ ഷാനു എന്നിവർ ഉൾപ്പെട്ട അന്വേഷണ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
