തിരുവനന്തപുരം : പേരൂര്ക്കട വഴയില തുരുത്തുംമൂലയില് അച്ഛന് ഓടിച്ച ഓട്ടോറിക്ഷ നിയന്ത്രണം വിട്ട് മറിഞ്ഞ് രണ്ട് വയസ്സുകാരന് മരിച്ചു. കാട്ടാക്കട കോട്ടൂര് മുണ്ടണിനട മുംതാസ് മന്സിലില് മുജീബ് റഹീന ദമ്പതികളുടെ മകന് മുഹമ്മദ് അമാനാണ് മരിച്ചത്. തിങ്കളാഴ്ച ഉച്ചയ്ക്ക് ഒന്നരയോടെ പേരൂര്ക്കട വഴയിലയിലായിരുന്നു അപകടം. കുടുംബസമേതം ഭാര്യ റഹീന, മുജീബിന്റെ അമ്മ എന്നിവരുമായി മുജീബ് ഓട്ടോറിക്ഷയില് പട്ടത്തെ ബന്ധുവീട്ടില് പോയി മടങ്ങുമ്പോഴാണ് അപകടം. ഓട്ടോയുടെ നിയന്ത്രണം നഷ്ടപ്പെട്ട് മറിയുകയായിരുന്നു. റോഡിലേക്ക് തെറിച്ചുവീണ മുഹമ്മദ് അമാനെ പേരൂര്ക്കട ജില്ലാ ആശുപത്രിയിലും തുടര്ന്ന് മെഡിക്കല് കോളേജ് ആശുപത്രിയിലും എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം മെഡിക്കല് കോളേജ് ആശുപത്രി മോര്ച്ചറിയില്.
