റാന്നി : റാന്നി – പഴവങ്ങാടി ഗ്രാമ പഞ്ചായത്തിന്റെ വാർഷിക പദ്ധതിയിൽ ഉൾപ്പെട്ട അംഗനവാടി കമ്മിറ്റി അംഗങ്ങൾക്കും ഗുണഭോക്താക്കൾക്കും ഐ.സി.ഡി.എസ് സേവനങ്ങളെക്കുറിച്ചുള്ള ഏകദിന ബോധവൽക്കരണ സെമിനാർ നടത്തി. ബ്ലോക്ക് പഞ്ചായത്ത് ക്ഷേമകാര്യ സ്ഥിര സമിതി അധ്യക്ഷൻ സനോജ് മേമന ഉദ്ഘാടനം നിർവഹിച്ചു. ഗ്രാമ പഞ്ചായത്ത് പ്രസിഡന്റ് പ്രമോദ് മന്ദമരുതി അധ്യക്ഷത വഹിച്ചു. റിസോഴ്സ് പേഴ്സൺ ഉഷ കെ കെ, ജില്ലാ വനിതാ ശിശു വികസന വകുപ്പിലെ ജൻഡർ സ്പെഷ്യലിസ്റ്റ് സ്നേഹ വാസു രഘു എന്നിവർ ക്ലാസുകൾക്ക് നേതൃത്വം നൽകി.
ബ്ലോക്ക് പഞ്ചായത്ത് അംഗം രാധ പ്രസന്നൻ, ഗ്രാമ പഞ്ചായത്ത് വൈസ് പ്രസിഡന്റ് സൗമ്യ ജി നായർ, സ്ഥിരം സമിതി അധ്യക്ഷരായ മോളി മാത്യു, മേരി ജോൺ, അംഗങ്ങളായ അനിത അനിൽ കുമാർ, മോനായി പുന്നൂസ്, ജോയ്സി ചാക്കോ, സതീഷ് എം റ്റി, ആതിര എസ് നായർ, സൂസമ്മ ജോൺസൺ, അന്നമ്മ തോമസ്, അനി സുരേഷ്, പ്രിയ ഷാജി, സി.ഡി.എസ് ചെയർപേഴ്സൺ ഉഷ കെ റ്റി, ഐ സി ഡി എസ് സൂപ്പർവൈസർ രേണു ജോർജി, കമ്മ്യൂണിറ്റി വുമൺ ഫെസിലിറ്റേറ്റർ ലാൻഡ് തങ്കം ലാൽ, അംഗനവാടി വർക്കർ ഉഷ കുമാരി എന്നിവർ പ്രസംഗിച്ചു.
