കോഴഞ്ചേരി : 114-മത് അയിരൂർ – ചെറുകോല്പ്പുഴ ഹിന്ദു മത പരിഷത്തിനോടനുബന്ധിച്ചുള്ള അന്നദാനത്തിന്റെ വിഭവസമാഹരണം കടപ്ര – തട്ടയ്ക്കാട് ശങ്കു വാളയൻപാറ ശ്രീ മഹാദേവ ക്ഷേത്രത്തില് ഹിന്ദുമത മഹാമണ്ഡലം വൈസ് പ്രസിഡന്റ് അഡ്വ.കെ.ഹരിദാസ് നിര്വഹിച്ചു. വിഭവങ്ങൾ ക്ഷേത്രസമിതി പ്രസിഡന്റ് കെ. റ്റി. ഗോപാലനിൽ നിന്നും അഡ്വ.കെ.ഹരിദാസ് സ്വീകരിച്ചു. മുന് എം.എല്.എ മാലേത്തു സരളാദേവി അദ്ധ്യക്ഷത വഹിച്ചു.
വൈസ് പ്രസിഡന്റ് കെ.കെ.ഗോപിനാഥൻ നായർ, സെക്രട്ടറി ജി.രാജ്കുമാർ, കൺവീനർ പി.ആർ.ഗോപിനാഥൻ നായർ, ശ്രീജിത്ത് അയിരൂർ, ചന്ദ്രൻപിള്ള ഓതറ, എം.റ്റി.ഭാസ്കരപ്പണിക്കർ, ശിവൻകുട്ടി നായർ എസ്, അനീഷ് ജി, ക്ഷേത്രം ഭാരവാഹികളായ കലേഷ് കുമാർ, പ്രശാന്ത് പി.സി എന്നിവർ പ്രസംഗിച്ചു. തുടർന്ന് എൻ. എസ്.എസ്.കരയോഗം 567, കിഴക്കൻ ഓതറ വിദ്യാധിരാജ എൻ. എസ്.എസ്. കരയോഗം, കിഴക്കൻ ഓതറ എസ്.എൻ.ഡി.പി, കെ.പി.എം.എസ് മാമൂട്, ഓതറ പുതുക്കുളങ്ങര ക്ഷേത്രം, കോഴിമല എൻ.എസ്.എസ്. കരയോഗം, ഇടനാട് എൻ.എസ്. എസ് കരയോഗം എന്നിവിടങ്ങളിൽ നിന്ന് വിഭവങ്ങൾ സമാഹരിച്ചു.
