ലക്നൗ: ദീപാവലിയോടനുബന്ധിച്ച് ഉത്തര്പ്രദേശിലെ അയോദ്ധ്യയിലെ ശ്രീരാമ രാജ്യഭിഷേക പൂജയിലും ലക്ഷദീപം തെളിക്കല് ചടങ്ങിലും പങ്കുചേര്ന്ന് പ്രധാനമന്ത്രി നരേന്ദ്രമോദിയും ഉത്തര്പ്രദേശ് മുഖ്യമന്ത്രി യോഗി ആദിത്യനാഥും. വൈകിട്ട് ക്ഷേത്ര ദര്ശനം നടത്തിയ ശേഷമാണ് പ്രധാനമന്ത്രിയും യോഗിയും ശ്രീരാമ രാജ്യാഭിഷേകമെന്ന പൂജയില് പങ്കുചേര്ന്നത്. ആരതി ഉഴിഞ്ഞും രാംലല്ലയില് തിലകംചാര്ത്തിയുമാണ് ചടങ്ങുകള് ആരംഭിച്ചത്. ശ്രീരാമസീതാ വിഗ്രഹങ്ങളില് മാലയിട്ടും പുഷ്പാര്ച്ചന നടത്തിയും നരേന്ദ്രമോദി ഭക്തിസാന്ദ്രമായ അന്തരീക്ഷത്തില് പ്രാര്ത്ഥനാ നിര്ഭരനായി നിന്നു.
അയോധ്യയുടെ ജനിതകഘടനയില് ശ്രീരാമന് ഉണ്ടെന്നും രാം ലല്ലയെ സന്ദര്ശിച്ച് പ്രാര്ഥനകള് അര്പ്പിക്കാന് കഴിഞ്ഞതില് ബഹുമാനവും സന്തോഷവും പ്രത്യാശയും ഉണ്ടെന്ന് പ്രധാനമന്ത്രി നരേന്ദ്ര മോദി ഞായറാഴ്ച പറഞ്ഞു. ദീപാവലിയോടനുബന്ധിച്ച് രാമഭക്തര്ക്ക് അദ്ദേഹം ആശംസകള് നേര്ന്നു.
‘നിഷാദ്രാജ് പാര്ക്ക് ശ്രിംഗ്വേര്പൂര് ധാമില് (പ്രയാഗ്രാജ്) 51 അടി ഉയരമുള്ള ശ്രീരാമന്റെയും നിഷാദ്രാജിന്റെയും പ്രതിമ നിര്മ്മിക്കും. ശ്രീരാമന്റെ ആദര്ശങ്ങള് പിന്തുടരുക എന്നത് എല്ലാ ഇന്ത്യക്കാരുടെയും കടമയാണ്.’- മോദി പറഞ്ഞു. ദീപോത്സവത്തിന്റെ ആറാമത് പതിപ്പിന്റെ ഭാഗമായി ഞായറാഴ്ചയാണ് പ്രധാനമന്ത്രി അയോധ്യയിലെത്തിയത്. 15 ലക്ഷത്തിലധികം ദീപങ്ങളാണ് ഇന്ന് അയോധ്യയില് തെളിഞ്ഞത്. സരയൂ നദിയുടെ തീരത്ത് അദ്ദേഹം ‘ആരതി’ അര്പ്പിക്കുകയും ചെയ്തു.
സന്ദര്ശനത്തിന്റെ ഭാഗമായി അയോധ്യയിലെ ശ്രീരാമജന്മഭൂമി തീര്ത്ഥക്ഷേത്ര സ്ഥലവും അദ്ദേഹം പരിശോധിച്ചു. ശ്രീരാമക്ഷേത്ര നിര്മ്മാണം നടക്കുന്ന പ്രദേശം സന്ദര്ശിച്ച ശേഷമാണ് വിഗ്രഹം പ്രതിഷ്ഠി ച്ചിരിക്കുന്ന താല്ക്കാലിക ക്ഷേത്രത്തിലേയ്ക്ക് പ്രധാനമന്ത്രി പോയത്. ക്ഷേത്രനിര്മ്മാണ പുരോഗതി വിലയിരുത്തിയ പ്രധാനമന്ത്രി മുഖ്യമന്ത്രി യോഗി ആദിത്യ നാഥിനൊപ്പം പൂര്ത്തിയായ ക്ഷേത്രഭാഗങ്ങളെല്ലാം നേരില് കണ്ട് പ്രവര്ത്തനങ്ങള് വിലയിരുത്തി.
