ചെങ്ങന്നൂര്‍ : ബന്ധുക്കള്‍ ഉപേക്ഷിച്ച വീട്ടമ്മയ്ക്ക് കിടങ്ങന്നൂര്‍ കരുണാലയം അമ്മവീട്ടില്‍ അഭയം നല്‍കി. ആയിരൂര്‍ കോട്ടത്തൂര്‍ ഗീതാകുമാരി (56) യെയാണ് അമ്മവീട് ഏറ്റെടുത്തത്. വീട്ടുജോലി ചെയ്തു ജീവിച്ചിരുന്ന ഗീതാകുമാരി വീണ് പരിക്കേറ്റതോടെ ജോലിചെയ്യാന്‍ കഴിയാത്ത അവസ്ഥയില്‍ ബന്ധുവീടുകളില്‍ അഭയം തേടിയെത്തിയത്. എന്നാല്‍ ആരും സംരക്ഷണം നല്‍കാന്‍ തയ്യാറായില്ല. ഗ്രാമപഞ്ചായത്തില്‍ വീടിനുവേണ്ടി അപേക്ഷ നല്‍കിയിരുന്നെങ്കിലും നടപടി ഉണ്ടായില്ല. അയിരൂരിലുള്ള സാമൂഹ്യ അടുക്കളയിലെ പ്രവര്‍ത്തകരാണ് വിഷയം ദേവസ്വം ബോര്‍ഡ് മുന്‍ പ്രസിഡന്റ് എ.പദ്മകുമാറിന്റെ ശ്രദ്ധയില്‍പ്പെടുത്തിയത്. ബ്ലോക്ക് പഞ്ചായത്ത് അംഗം വി.പ്രസാദ്, പഞ്ചായത്ത് അംഗം സോമശേഖരന്‍പിള്ള എന്നിവരുടെ സാന്നിദ്ധ്യത്തിലാണ് ഏറ്റെടുത്തത്.
