ഡല്ഹി: മോശം വസ്ത്രം ധരിച്ച പെണ്കുട്ടികള് രാമായണത്തിലെ ശൂര്പ്പണഖയെ പോലെയാണെന്ന് ബി.ജെ.പി നേതാവ് കൈലാഷ് വിജയവര്ഗീയ. ലഹരി ഉപയോഗിക്കുന്ന യുവാക്കളെ കണ്ടാല് അടിക്കാന് തോന്നാറുണ്ടെന്നും ബി.ജെ.പി ജനറല് സെക്രട്ടറി പറഞ്ഞു. വ്യാഴാഴ്ച ഹനുമാന്, മഹാവീര് ജയന്തി ആഘോഷത്തോടനുബന്ധിച്ച് ഡല്ഹിയില് സംഘടിപ്പിച്ച പരിപാടിയിലായിരുന്നു ബി.ജെ.പി നേതാവിന്റെ വിവാദ പരാമര്ശം.
സ്ത്രീകള് ദേവതകളാണ്. എന്നാല് അവര് മോശം വസ്ത്രം ധരിച്ചാല് ശൂര്പ്പണഖയെ പോലെയാകും. സ്ത്രീകളില് നാം ദേവതകളെ കാണുന്നു. പെണ്കുട്ടികള് മോശമായി രീതിയില് വസ്ത്രം ധരിച്ച് പുറത്തുപോകുമ്പോള് ദേവതകളായല്ല, മറിച്ച് ശൂര്പ്പണഖ ആയാണ് തോന്നുക. ദൈവം നിങ്ങള്ക്ക് സൗന്ദര്യവും മനോഹരമായ ശരീരവും നല്കിയിട്ടുണ്ട്. നന്നായി വേഷം ധരിക്കണമെന്നും ബി.ജെ.പി നേതാവ് ഉപദേശിച്ചു.
