തിരുവനന്തപുരം : സംസ്ഥാനത്തെ സ്വകാര്യ ട്യൂഷന് സെന്ററുകളിലേയും പാരലല് കോളേജുകളിലെയും രാത്രികാല പഠന ക്ലാസുകള്ക്ക് നിരോധനം ഏർപ്പെടുത്തി. ഇവര് സംഘടിപ്പിക്കുന്ന വിനോദയാത്രകള്ക്കും നിരോധനം ഏര്പ്പെടുത്തിയിട്ടുണ്ട്. ബാലാവകാശ കമ്മീഷനാണ് ഇത് സംബന്ധിച്ച ഉത്തരവിറക്കിയത്. എസ്എസ്എല്സി, ഹയര്സെക്കന്ഡറി പൊതുപരീക്ഷകളോട് അനുബന്ധിച്ചും അല്ലാതെയും സ്വകാര്യ ട്യൂഷന് സെന്ററുകളിലും പാരലല് കോളേജുകളിലും രാത്രികാല പഠന ക്ലാസുകള് സംഘടിപ്പിക്കാറുണ്ട്. സ്കൂളിലെ പഠനസമയത്തിനു ശേഷം വീണ്ടും മണിക്കൂറുകള് നീളുന്ന ഈ നൈറ്റ് സ്റ്റഡി ക്ലാസുകള് അശാസ്ത്രീയമാണ്. ഇത് കുട്ടികളുടെ ശാരീരിക മാനസിക ആരോഗ്യത്തിന് വെല്ലുവിളിയാണ്. രക്ഷിതാക്കള്ക്കും കൂടുതല് മാനസിക സമ്മര്ദ്ദം ഉണ്ടാക്കും. അതുകൊണ്ട് രാത്രികാല ക്ലാസുകള് പൂര്ണമായും നിരോധിക്കുകയാണെന്ന് ബാലാവകാശ കമ്മീഷന് ഉത്തരവില് പറയുന്നു.
മറ്റൊരു പ്രധാനപ്പെട്ട ഉത്തരവ് പാരലല് കോളേജുകളിലും സ്വകാര്യ ട്യൂഷന് സെന്ററുകളിലും പഠന വിനോദയാത്രകള് നിര്ത്തലാക്കിയത് ആണ്. പഠന വിനോദയാത്രകള്ക്ക് കൃത്യമായ മാര്ഗരേഖ സര്ക്കാര് ഇറക്കിയിട്ടുണ്ടെങ്കിലും അത് ട്യൂഷന് സെന്ററുകളും പാരലല് കോളേജുകളും പാലിക്കുന്നില്ല. വിനോദയാത്രയ്ക്ക് കുട്ടികളെയും രക്ഷിതാക്കളെയും നിര്ബന്ധിക്കുന്നു എന്നും കമ്മീഷന് ഉത്തരവില് പറയുന്നു. അധ്യാപകനായ സാം ജോണ് നല്കിയ ഹര്ജിയിലാണ് ബാലാവകാശ കമ്മീഷന് അംഗം റെനി ആന്റണിയുടെ നടപടി. തുടര് നടപടികള്ക്ക് പൊതുവിദ്യാഭ്യാസ വകുപ്പ് സെക്രട്ടറി, തദ്ദേശ സ്വയംഭരണ വകുപ്പ് സെക്രട്ടറി, ഡിജിപി, ട്രാന്സ്പോര്ട്ട് കമ്മീഷന്, എന്നിവര്ക്ക് ബാലാവകാശ കമ്മീഷന് നിര്ദ്ദേശം നല്കി. കമ്മീഷന്റെ ശുപാര്ശയില് സെക്രട്ടറിമാര് സ്വീകരിച്ച് നടപടികള് 60 ദിവസത്തിനുള്ളില് രേഖാമൂലം കമ്മീഷനെ അറിയിക്കുകയും വേണം.
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
