പൂനെ : മുംബൈയില് മോഷണശ്രമത്തിനിടെ അക്രമികളുടെ വെടിയേറ്റ് ബാങ്ക് ജീവനക്കാരന് ദാരുണാന്ത്യം. എസ്ബിഐയുടെ ദഹിസര് ബ്രാഞ്ചിലെ ജീവനക്കാരനാണ് മരിച്ചത്. ബുധനാഴ്ച വൈകുന്നേരം രണ്ടു മോഷ്ടാക്കളാണ് ബാങ്കില് അതിക്രമിച്ചെത്തി മോഷണം നടത്താന് ശ്രമിച്ചത്. ജീവനക്കാരെ തോക്കിന് മുനയില് നിര്ത്തിയാണ് ഇവര് പണവും മറ്റും കവര്ന്നത്. ഇതിനിടെയാണ് ജീവനക്കാരന് വെടിയേറ്റത്. സംഭവത്തിന്റെ ദൃശ്യങ്ങള് സിസിടിവി കാമറയില് പതിഞ്ഞിരുന്നു. മോഷണത്തിന് ശേഷം പ്രതികള് ഇവിടെ നിന്നും കടന്നു കളഞ്ഞു. ഇവരെ കണ്ടെത്താനുള്ള ശ്രമം ആരംഭിച്ചുവെന്ന് പോലീസ് അറിയിച്ചു.
