ന്യൂഡല്ഹി : ട്രേഡ് യൂണിയനുകള് ആഹ്വാനം ചെയ്ത ബാങ്ക് പണിമുടക്കിന് മാറ്റമില്ല. ജനുവരി 30, 31 തിയതികളില് നടത്താന് നിര്ദ്ദേശിച്ചിരുന്ന ദ്വിദിന അഖിലേന്ത്യാ പണിമുടക്കിന് തയ്യാറെടുക്കാന് ബാങ്ക് ജീവനക്കാരോട് അഭ്യര്ത്ഥിച്ച് യൂണിയന് നേതാക്കള്. ആന്ധ്രാപ്രദേശ് യൂണിയന് ബാങ്ക് എംപ്ലോയീസ് അസോസിയേഷന് വിജയവാഡ റീജിയണിന്റെ പ്രഥമ ദ്വിവത്സര സമ്മേളനം ഞായറാഴ്ച നടന്നിരുന്നു. സമ്മേളനത്തില് കേന്ദ്രസര്ക്കാര് ആരംഭിച്ച ബാങ്കിംഗ് പരിഷ്കാരങ്ങള് വ്യവസായികള്ക്ക് മാത്രമാണ് ഗുണം ചെയ്യുന്നതെന്ന് യൂണിയന് നേതാവ് ആരോപിച്ചു.
ജനുവരി 30, 31 തിയതികളില് രണ്ടു ദിവസത്തെ പണിമുടക്കാണ് ബാങ്ക് യൂണിയനുകളുടെ സംയുക്ത ഫോറമായ യുണൈറ്റഡ് ഫോറം ഓഫ് ബാങ്ക് യൂണിയന്സ് (യുഎഫ്ബിയു) പ്രഖ്യാപിച്ചിരിക്കുന്നത്. ഈ രാജ്യവ്യാപക പണിമുടക്കില് രാജ്യത്തെ എല്ലാ ബാങ്കുകളിലേയും പത്തുലക്ഷം ജീവനക്കാരും ഉദ്യോഗസ്ഥരും പങ്കെടുക്കുമെന്നാണ് റിപ്പോര്ട്ട്. നിരവധി ആവശ്യങ്ങള് ഉന്നയിച്ചാണ് ബാങ്ക് ജീവനക്കാര് പണിമുടക്കുന്നത്. തങ്ങളുടെ ആവശ്യങ്ങള് നേടിയെടുക്കാന് സര്ക്കാരില് സമ്മര്ദ്ദം ചെലുത്താനാണ് ബാങ്ക് യൂണിയനുകളുടെ പണിമുടക്ക്.
11-ാം ശമ്പളപരിഹാരം, ബാങ്കുകളില് ആഴ്ചയില് അഞ്ച് പ്രവൃത്തിദിനങ്ങള്, പ്രമോഷനുകള്, ശമ്പള-പെന്ഷന് ഫിക്സേഷന് എന്നിവയുമായി ബന്ധപ്പെട്ട പ്രശ്നങ്ങള് പരിഹരിയ്ക്കുക, ശമ്പളം വര്ദ്ധിപ്പിക്കുക, എന്പിഎസ് നിര്ത്തലാക്കുക, എല്ലാ കേഡറുകളിലും നിയമന നടപടികള് ആരംഭിക്കുക തുടങ്ങി നിരവധി ആവശ്യങ്ങള് ഉന്നയിച്ചാണ് ബാങ്ക് ജീവനക്കാര് പണിമുടക്കുന്നത്.
ബാങ്ക് യൂണിയന് പണിമുടക്കിന് ആഹ്വാനം ചെയ്ത സാഹചര്യത്തില് ജനുവരി മാസത്തിലെ ആവസാന 4 ദിവസം തുടര്ച്ചയായി ബാങ്കുകള് അടഞ്ഞു കിടക്കും. നാലാം ശനി, ഞായര്, തിങ്കള് ചൊവ്വ എന്നീ ദിവസങ്ങളിലാണ് ബാങ്കുകള് അടഞ്ഞുകിടക്കുക. ശനി ഞായര് ബാങ്ക് അവധി ദിവസങ്ങളാണ്. അതിനോട് ചേര്ന്നാണ് പണിമുടക്കിന് ആഹ്വാനം ചെയ്തിരിയ്ക്കുന്നത്. അതിനാല് 4 ദിവസം ബാങ്കുകള് പ്രവര്ത്തിക്കില്ല.
രണ്ട് അവധി ദിനങ്ങള്ക്ക് ശേഷം രണ്ട് ദിവസത്തെ ബാങ്ക് പണിമുടക്കുകൂടി വരുന്നതിനാല് നാല് ദിവസം ബാങ്കുകള് അടഞ്ഞു കിടക്കും. ഇത് രാജ്യത്തുടനീളമുള്ള ബാങ്കിംഗ് സേവനങ്ങളെ ബാധിക്കാന് സാധ്യതയുണ്ട്. അതായത് ജനുവരി അവസാനവാരം ബാങ്കിലേക്ക് പോകുന്ന ഉപഭോക്താക്കള്ക്ക് പ്രശ്നങ്ങള് നേരിടേണ്ടി വന്നേക്കാം. ബാങ്ക് പണിമുടക്ക് കാരണം എടിഎമ്മില് നിന്ന് പണം പിന്വലിക്കുന്നത് വരെയുള്ള നിരവധി സേവനങ്ങളെ ബാധിച്ചേക്കും. ബാങ്ക് ഉപഭോക്താക്കള് അവരുടെ ബാങ്ക് സന്ദര്ശനവും പണമിടപാടുകളും അതിനനുസരിച്ച് ആസൂത്രണം ചെയ്യാന് നിര്ദ്ദേശിക്കുന്നു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
