കൊല്ലം : അന്യസംസ്ഥാന തൊഴിലാളിയായ ബാര് ജീവനക്കാരനെ കുത്തി കൊലപ്പെടുത്താന് ശ്രമിച്ച യുവാവിനെ പിടികൂടി. കൊല്ലം പള്ളിത്തോട്ടം നീലാംതോട്ടം അനില് ഭവനില് മണികണ്ഠനാണ് (42) പോലീസിന്റെ പിടിയിലായത്. കോട്ടമുക്കിലുള്ള ബാര് ഹോട്ടലില് മദ്യപിക്കുന്നതിനിടെ ആയിരുന്നു അക്രമം.
ട്രേയില് ഗ്ലാസുകളുമായി പോയ ഹോട്ടലിലെ ക്ലീനിംഗ് സ്റ്റാഫായ ആസാം സ്വദേശി അസ്ഹറുള്ളിനോട് പ്രതി കുപ്പി ആവശ്യപ്പെട്ടു. എന്നാല് ജീവനക്കാരന് നിരസിച്ചു. ഇതിന്റെ വൈരാഗ്യത്തില് ഗ്ലാസ് കൊണ്ട് അസ്ഹറുളിനെ ആക്രമിക്കുകയായിരുന്നു വയറിലും മുതുകിലും തലയിലും ഗുരുതരമായി പരിക്കേറ്റ അസ്ഹറുള് ജില്ലാ ആശുപത്രിയില് ചികിത്സയിലാണ്.
