ന്യൂഡല്ഹി : കേന്ദ്രസര്ക്കാറിന്റെ കാര്ഷിക നിയമങ്ങള്ക്കെതിരായ ഭാരത് ബന്ദില് നിശ്ചലമായി രാജ്യതലസ്ഥാനം. കര്ഷക പ്രക്ഷോഭങ്ങളുടെ ഭാഗമായി ഒന്നര കിലോമീറ്ററില് അധികം ദൂരമാണ് ഡല്ഹി-ഗുരുഗ്രാം അതിര്ത്തിയിലെ ഗതാഗത തടസം.
ദേശീയപാതയിലെ വന് ഗതാഗതക്കുരുക്കിന്റെ ദൃശ്യങ്ങള് പുറത്തുവന്നു. ഗുരുഗ്രാമില്നിന്ന് ഡല്ഹിയില് പ്രവേശിപ്പിക്കാന് ഒരുങ്ങിയ വാഹനങ്ങളാണ് കുരുക്കില് അകപ്പെട്ടത്. കര്ഷക ബന്ദിന്റെ ഭാഗമായി ഡല്ഹിയിലും അതിര്ത്തി പ്രദേശങ്ങളിലും കര്ശന സുരക്ഷ -നിരീക്ഷണം ഡല്ഹി പോലീസ് ഏര്പ്പെടുത്തിയിട്ടുണ്ട്.
കേന്ദ്രസര്ക്കാറിന്റെ കാര്ഷിക നിയമങ്ങള് പിന്വലിക്കണമെന്നും വിളകള്ക്ക് അടിസ്ഥാന താങ്ങുവില ഉറപ്പുവരുത്തണമെന്നും ആവശ്യപ്പെട്ടാണ് കര്ഷക പ്രക്ഷോഭം. 40ഓളം കര്ഷക സംഘടനകളുടെ കൂട്ടായ്മയായ സംയുക്ത കിസാന് മോര്ച്ചയുടെ ആഭിമുഖ്യത്തിലാണ് പ്രക്ഷോഭം. കേന്ദ്രസര്ക്കാര് കാര്ഷിക നിയമങ്ങള് പാസാക്കിയിട്ട് ഒരു വര്ഷം സെപ്റ്റംബര് 17ന് തികയും. ഇതേതുടര്ന്നാണ് ഭാരത് ബന്ദ് ആചരിക്കുന്നത്.
കര്ഷക സംഘടനകളെ കൂടാതെ കോണ്ഗ്രസ്, ഇടതുപക്ഷ പാര്ട്ടികള്, ബഹുജന് സമാജ്വാദി പാര്ട്ടി, ആം ആദ്മി പാര്ട്ടി, സമാജ്വാദി പാര്ട്ടി, തെലുങ്ക്ദേശം പാര്ട്ടി തുടങ്ങിയവ ഭാരത് ബന്ദിന് പിന്തുണ അറിയിച്ചിരുന്നു. ഭാരത് ബന്ദിന്റെ ഭാഗമായി ഉത്തര്പ്രദേശില്നിന്ന് ഗാസിപൂരിലേക്കുള്ള ഗതാഗതം പൂര്ണമായി അടച്ചിരുന്നു. ഹരിയാന കുരുക്ഷേത്രയിലെ ഷാഹാബാദില്വെച്ച് ഡല്ഹി-അമൃത്സര് ദേശീയപാതയിലെ ഗതാഗതവും പൊലീസ് അടച്ചിരുന്നു. പഞ്ചാബ് -ഹരിയാന അതിര്ത്തിയിലെ ശംഭു അതിര്ത്തിയില് വൈകിട്ട് നാലുമണിവരെ വാഹനങ്ങള് കടത്തിവിടില്ലെന്ന് കര്ഷകരും വ്യക്തമാക്കി.
കര്ഷക പ്രക്ഷോഭങ്ങളുടെ ഭാഗമായി ഒന്നര കിലോമീറ്ററില് അധികം ദൂരമാണ് ഡല്ഹി-ഗുരുഗ്രാം അതിര്ത്തിയിലെ ഗതാഗത തടസം. ദേശീയപാതയിലെ വന് ഗതാഗതക്കുരുക്കിന്റെ ദൃശ്യങ്ങള് പുറത്തുവന്നു. ഗുരുഗ്രാമില്നിന്ന് ഡല്ഹിയില് പ്രവേശിപ്പിക്കാന് ഒരുങ്ങിയ വാഹനങ്ങളാണ് കുരുക്കില് അകപ്പെട്ടത്. കര്ഷക ബന്ദിന്റെ ഭാഗമായി ഡല്ഹിയിലും അതിര്ത്തി പ്രദേശങ്ങളിലും കര്ശന സുരക്ഷ -നിരീക്ഷണം ഡല്ഹി പൊലീസ് ഏര്പ്പെടുത്തിയിട്ടുണ്ട്.
