തൊടുപുഴ : ലേലം ചെയ്യുന്നതിനായി മാറ്റി വെച്ച പഴയ ബാറ്ററി മോഷണം പോയി. തൊടുപുഴ ജില്ലാ ആശുപത്രിയില് സൂക്ഷിച്ചിരുന്ന നാല് വലിയ ബാറ്ററികളാണ് മോഷണം പോയത്. മോഷണദൃശ്യം സി.സി.ടി.വി യില് പതിഞ്ഞു. ആശുപത്രിയില് ഓക്സിജന് പ്ലാന്റ് സ്ഥാപിക്കുന്നതിനായി പൊളിച്ച കെട്ടിടത്തിലുണ്ടായിരുന്ന ബാറ്ററികളാണ് ഇത്. ലേലംചെയ്യുന്നതിനായി ഈ ബാറ്ററികള് മോര്ച്ചറിക്ക് പിറകില് ലാബിന് സമീപത്താണ് വെച്ചിരുന്നത്. ഇതിന് മുകളില് ഷീറ്റിട്ട് മൂടിയിരുന്നു. ശനിയാഴ്ചയാണ് ആദ്യം മോഷണം നടന്നത്. പിന്നീടുള്ള ദിവസങ്ങളില് ബാക്കി ബാറ്ററികളും നഷ്ടപ്പെടുകയായിരുന്നു. പകല്സമയത്ത് വാഹനത്തില് എത്തിയാണ് ബാറ്ററികള് കടത്തിയത്.
