ഡല്ഹി: ബിബിസി പഞ്ചാബി ന്യൂസിന്റെ ട്വിറ്റര് അക്കൗണ്ടിന് വിലക്കേര്പ്പെടുത്തി ഇന്ത്യ. അമൃത് പാല് , ഖാലിസ്ഥാന് പ്രതിഷേധങ്ങളുടെ വാര്ത്തകളുടെ പശ്ചാത്തലത്തിലാണ് നടപടി.അധികൃതരുടെ നിര്ദ്ദേശത്തെ തുടര്ന്നാണ് വിലക്കെന്ന് ട്വിറ്റര്. നിയമപരമായ കാരണത്താല് അക്കൗണ്ട് നീക്കം ചെയ്യുന്നതായാണ് സന്ദേശത്തില് പറയുന്നത്. അതേസമയം, അധികൃതരുടെ നിര്ദ്ദേശത്തെ തുടര്ന്നാണ് അക്കൗണ്ട് സസ്പെന്ഡ് ചെയ്തതെന്ന് ട്വിറ്റര് അറിയിച്ചു.
നേരത്തെ പഞ്ചാബില് നിന്നുള്ള നിരവധി മാധ്യമപ്രവര്ത്തകരുടെയും കനേഡിയന് അധികൃതരുടെയുമടക്കം ട്വിറ്റര് അക്കൗണ്ടുകള്ക്കും സമാനമായ രീതിയില് വിലക്കേര്പ്പെടുത്തിയിരുന്നു.കനേഡിയന് രാഷ്ട്രീയക്കാരനായ ജഗ്മീത് സിങ്, കാനഡ ആസ്ഥാനമായുള്ള കവയിത്രി രൂപി കൗര്, സന്നദ്ധ സംഘടനയായ യുണൈറ്റഡ് സിഖ് എന്നിവരുടെ അക്കൗണ്ടുകള് ഇതില് ഉള്പ്പെടുന്നു.
