കൊച്ചി: ലൈഫ് മിഷന് കേസിലെ കളളപ്പണ ഇടപാട് സ്പോണ്സേര്ഡ് തീവ്രവാദമെന്ന് എന്ഫോഴ്സ്മെന്റ് ഡിറക്ട്രേറ്റ് ഹൈക്കോടതിയില്. മുഖ്യമന്ത്രിയുടെ മുന് പ്രിന്സിപ്പല് സെക്രട്ടറിയായിരുന്ന എം ശിവശങ്കറാണ് ഇതിന്റെ സൂത്രധാരനെന്നും അഡീഷണല് സോളിസിറ്റര് ജനറല് അറിയിച്ചു.ലൈഫ് മിഷന് കേസില് അറസ്റ്റിലായി റിമാന്ഡില്ക്കഴിയുന്ന എം ശിവശങ്കറിന്റെ ജാമ്യാപേക്ഷ പരിഗണിക്കുമ്പോഴാണ് ഇക്കാര്യങ്ങള് ഇ ഡി, കോടതിയെ അറിയിച്ചത്. ‘ലോക്കറില് നിന്ന് കിട്ടിയ പണം ശിവശങ്കറിന്റേതാണ്. ചാര്ട്ടേഡ് അക്കൗണ്ടന്റ് വേണുഗോപാലില് നിന്നും സ്വപ്ന സുരേഷില് നിന്നും ഇത് സംബന്ധിച്ച് മൊഴി കിട്ടിയിട്ടുണ്ട്.
അതേസമയം ലൈഫ് മിഷന്കേസില് യൂണിടാക് മാനേജിങ് ഡയറക്ടര് സന്തോഷ് ഈപ്പന് ജാമ്യം ലഭിച്ചു. നിലവില് ഏഴ് ദിവസം ഇഡിയുടെ കസ്റ്റഡിയിലും ഉണ്ടായിരുന്നു. ഇക്കാലമത്രയും അന്വേഷണവുമായി സഹകരിച്ചു. അന്വേഷണവുമായി ഇനിയും സഹകരിക്കുമെന്ന് സന്തോഷ് ഈപ്പന് കോടതിയെ അറിയിച്ചു. പ്രതിഭാഗത്തിന്റെ ഈ വാദങ്ങള് അംഗീകരിച്ചു കൊണ്ടാണ് കോടതി ജാമ്യം അനുവദിച്ചത്. എന്ഫോഴ്സ്മെന്റ് ഡയറക്ടറേറ്റാണ് സന്തോഷ് ഈപ്പനെ അറസ്റ്റ് ചെയ്തത്. ലൈഫ് മിഷന് പദ്ധതിയുടെ കരാര് ഏറ്റെടുത്ത സന്തോഷ് ഈപ്പനാണ് നാലുകോടിയോളം രൂപ കോഴ നല്കിയതെന്ന കണ്ടെത്തലിന്റെ അടിസ്ഥാനത്തിലാണ് അറസ്റ്റ്.
