വിശപ്പിനെക്കാൾ വലിയ പ്രശ്നം ഈ ഭൂമിയിൽ മറ്റൊന്നുംതന്നെയില്ല. മരിക്കാനും കൊല്ലാനും ഈ വിശപ്പ് മാത്രം ഒരു കാരണമാവുന്ന കാലമാണ് BEEF എന്ന വെബ് സിരീസിലെ ചാപ്റ്റർ 1 പറഞ്ഞു വെക്കുന്നത്.
വെറും എട്ടു മിനിട്ട് കൊണ്ടു വ്യക്തമാക്കുന്ന ആശയം ഈ കോവിഡ് കാലത്ത് നമ്മളെ വളരെയധികം ശ്രദ്ധയോടെ ജീവിക്കാനുള്ള താക്കീതാകുന്നു. അടുത്ത കാലത്തായി കോമഡി ആശയമാക്കി വളരെയധികം വെബ് സിരീസ് ഇറങ്ങുന്നുണ്ട്. അതിൽനിന്നും വ്യത്യസ്തമായി ഡാർക്ക്‌ സിരീയസ് ഗണത്തിൽ പെടുത്താവുന്ന ഒന്നാണ് ബീഫ്‌ . ഓരോ ചാപ്റ്ററൂം ഓരോ കഥകളായിരിക്കും പറയുന്നത്.
കൊച്ചി സ്വദേശി ഇമ്രാൻ സേട്ട് സംവിധാനം ചെയ്തിരിക്കുന്ന ഈ വെബ് സിരീസിന്റെ തിരക്കഥ നിർവഹിച്ചിരിക്കുന്നത് ആദിയും ടോബ്ബിനും ചേർന്നാണ് . ഇവർ തന്നെയാണ് പ്രധാന കഥാപാത്രങ്ങളായി അഭിനയിച്ചിരിക്കുന്നതും. നിർമാണം നൗഫി മുഹമ്മദ്‌, ക്യാമറ സാഹിൽ സായി, പോസ്റ്റർ ഡിസൈൻ പ്രോഫ്മാർക്ക്‌, ക്രീയേറ്റീവ് ഡയറക്ട്ടേഴ്‌സ് നിശ്ചലും മനോഷും നിർവഹിച്ചിരിക്കുന്നു.
ഈ കാലമത്രയും ഇണചേരാനൊ ആഹാരത്തിനൊ മൃഗങ്ങളെ പോലെ ദ്വന്ത യുദ്ധം വേണ്ടിവരില്ല എന്ന ധൈര്യമാണ് മനുഷ്യനെ രാജാവാക്കിയതെങ്കിൽ കോവിഡ് എന്ന കൊച്ചു കീടം ബൈബിളിലെ ദാവീദിനെ പോലെ നെഞ്ച് വിരിച്ച് ” നിന്റെതു മാത്രമല്ല ഒന്നും ” എന്ന് മനുഷ്യരാശിയെ പഠിപ്പിച്ചു.
മനുഷ്യൻ ഈ കീടത്തെയും തോപ്പിക്കുമായിരിക്കും. പക്ഷെ ഓരോ കീടങ്ങളും ബാക്കിവെച്ച് പോകുന്നത് മനുഷ്യന്റെ ഏറ്റവും വലിയ ശത്രുവിനെ ഉണ്ടാക്കി കൊണ്ടാണ്. അതാണ് “മറ്റൊരു മനുഷ്യൻ”
ദാരിദ്ര്യത്തിന്റെയും വിശപ്പിന്റെയും മുഖമുള്ള മനുഷ്യൻ. വേദഗ്രന്ഥങ്ങളിലെ വിശുദ്ധ എഴുത്തുകൾ പറയുന്നപോലെ ” മനുഷ്യൻ മനുഷ്യനെ വേട്ടയാടുന്ന കാലം. വിശപ്പിനുവേണ്ടി മനുഷ്യൻ മനുഷ്യനെ വേട്ടയാടുന്ന കാലം !! വിദൂരമല്ലാത്ത കാലമാണ് BEEF !!!
