പത്തനംതിട്ട : പോളിടെക്നിക് പ്രവേശനത്തിനായുള്ള ഒന്നാംഘട്ട അലോട്ട്മെന്റ് ലഭിച്ച വിദ്യാര്ത്ഥികള് പ്രവേശനത്തിനായി താഴെ പറയുന്ന സമയ ക്രമമനുസരിച്ച് മഹാകവി വെണ്ണികുളം ഗോപാലകുറുപ്പ് മെമ്മോറിയല് ഗവ.പോളിടെക്നിക്കില്, അപേക്ഷയില് പ്രതിപാദിച്ചിരിക്കുന്ന എല്ലാ അസല് രേഖകള്, ടി.സി, കോണ്ടക്ട് സര്ട്ടിഫിക്കറ്റ്, അലോട്ട്മെന്റ് സ്ലിപ്പ്, ഫീസ് അടക്കാനുള്ള ക്രെഡിറ്റ്/ഡെബിറ്റ് കാര്ഡ്, കൂടാതെ പിടിഎ ഫണ്ടിനുള്ള തുക എന്നിവ സഹിതം രക്ഷകര്ത്താവിനോടൊപ്പം കോളേജില് റിപ്പോര്ട്ട് ചെയ്യണം. നിലവിലെ അലോട്ട്മെന്റ് നിലനിര്ത്തി ഉയര്ന്ന ഓപ്ഷനുകളിലേക്ക് മാറാന് ആഗ്രഹിക്കുന്നവര് അസല് രേഖകളുമായി ഹാജരായി രജിസ്റ്റര് ചെയ്യണം.
ഒക്ടോബര് 30 രാവിലെ 10 മുതല് വൈകിട്ട് നാലുവരെ ഓട്ടോമൊബൈല് എഞ്ചിനീയറിംഗ്, കമ്പ്യൂട്ടര് എഞ്ചിനീയറിംഗ്. 31 രാവിലെ 9 മുതല് വൈകിട്ട് നാലുവരെ സിവില് എഞ്ചിനീയറിംഗ്, ഇലക്ട്രോണിക്സ് എഞ്ചിനീയറിംഗ്. നവംബര് രണ്ട് രാവിലെ 8 മുതല് വൈകിട്ട് നാലുവരെ മേല് ദിവസങ്ങളില് പ്രവേശനം എടുക്കാന് കഴിയാതിരുന്ന എല്ലാ ബ്രാഞ്ചുകളും. പ്രവേശനത്തിനായി എത്തുന്നവര്(വിദ്യാര്ഥി/രക്ഷിതാവ്) കോവിഡ് മാനദണ്ഡങ്ങള് കൃത്യമായി പാലിക്കണമെന്ന് പ്രിന്സിപ്പല് അറിയിച്ചു.
