ബംഗളൂരു : കർണാടകയിൽ എൻ.ഡി.എ സഖ്യത്തിന് തിരിച്ചടി. ബംഗളൂരു ടീച്ചേഴ്സ് മണ്ഡലത്തിലേക്കുള്ള എം.എൽ.സി തിരഞ്ഞെടുപ്പിൽ സഖ്യ സ്ഥാനാർത്ഥി എ.പി.രംഗനാഥിനു തോൽവി. ബി.ജെ.പി വിട്ട് കോൺഗ്രസിലെത്തിയ പി.പുട്ടണ്ണ 2,000 വോട്ടുകളുടെ ഭൂരിപക്ഷത്തിനു ജയിച്ചു. ബി.ജെ.പി- ജെ.ഡി.എസ് സഖ്യം പ്രഖ്യാപിച്ച ശേഷം കർണാടകയിൽ നടക്കുന്ന ആദ്യ തിരഞ്ഞെടുപ്പാണിത്. കർണാടകയിലെ സാഹചര്യം കണക്കിലെടുത്താണ് ജെ.ഡി.എസ്, എൻ.ഡി.എയുടെ സഖ്യമായതെന്നാണ് എച്ച്.ഡി.കുമാരസ്വാമിയും ദേശീയ അദ്ധ്യക്ഷൻ എച്ച്.ഡി.ദേവഗൗഡയും അറിയിച്ചിരുന്നത്.
കേരളത്തിൽ ഉൾപ്പെടെ മറ്റു സംസ്ഥാനങ്ങളിൾ ഈ സഖ്യം ബാധകമാകില്ലെന്നും കുമാരസ്വാമി പ്രതികരിച്ചിരുന്നു. എന്നാൽ, എൻ.ഡി.എ സഖ്യത്തിൽ ചേർന്ന ശേഷമുള്ള ആദ്യ തിരഞ്ഞെടുപ്പിൽ പരാജയപ്പെട്ടത് ജെ.ഡി.എസിനു വലിയ തിരിച്ചടിയാണ്.
